اكىمدەرگە پارتيا فيليالدارىندا لاۋازىمدى قىزمەت يەلەنۋگە شەكتەۋ قويۋعا قاتىستى ءتيىستى زاڭدار قارالىپ جاتىر. بۇل تۋرالى ءماجىلىس توراعاسى ەرلان قوشانوۆ ءمالىم ەتتى, دەپ حابارلايدى Egemen.kz.
بۇگىن پالاتانىڭ جالپى وتىرىسىنان كەيىن تىلشىلەر ە. قوشانوۆتان اكىمدەرگە پارتيا فيليالدارىندا لاۋازىم يەلەنۋگە زاڭ جۇزىندە تىيىم سالۋ ماسەلەسىنە قاتىستى سۇراق قويدى.
«وسى بويىنشا پرەزيدەنت جاريالاعان بولاتىن. جاقىن ارادا بۇل تاقىرىپ بويىنشا شەشىمدەر قابىلدانادى دەپ ويلايمىن. ناقتى كۇنىن ايتا المايمىن, بىراق ءتيىستى زاڭدار قارالىپ جاتىر», دەدى ءماجىلىس توراعاسى.