بيىل قازاقستان گرۋزيا ارقىلى 2-3 ملن تونناعا دەيىن مۇناي تاسىمالداۋدى جوسپارلاپ وتىر, دەپ حابارلايدى Egemen.kz.
گرۋزيانىڭ ەكونوميكا جانە تۇراقتى دامۋ مينيسترلىگىنىڭ مالىمەتىنشە, ۆيتسە-پرەمەر, ەكونوميكا مينيسترلىگىنىڭ باسشىسى لەۆان داۆيتاشۆيلي قازاقستان پرەزيدەنتىنىڭ ارنايى وكىلى ەرجان قازىحانوۆ باستاعان قازاقستاندىق دەلەگاتسيامەن كەزدەستى.
قوس تاراپ گرۋزيا مەن قازاقستان اراسىنداعى ساۋدا-ەكونوميكالىق جانە كولىك-لوگيستيكالىق ماسەلەلەردى تالقىعا سالىپ, بۇل سالالاردا ەكى ەلدىڭ الەۋەتى جوعارى ەكەنىن اتاپ ءوتتى.
«قازاقستاندىق تاراپ گرۋزين ءدالىزى بويىنشا جۇك اينالىمىن ۇلعايتۋعا مۇددەلى. 2022 جىلى قازاقستان گرۋزين ءدالىزى بويىنشا 2-3 ملن تونناعا دەيىن مۇناي تاسىمالداۋدى جوسپارلاپ وتىر. سونداي-اق الداعى جىلدارى بۇل كورسەتكىشتى ودان ءارى ارتتىرماق», دەپ جازىلعان حابارلامادا.
كەزدەسۋدە گرۋزيانىڭ كولىك ينفراقۇرىلىمى قازاقستان مەن ورتالىق ازيا ەلدەرىنەن ەۋروپاعا جۇك تاسىمالداۋعا بارىنشا دايىن ەكەنى ايتىلدى.
ايانا توعانبەك