ەلدە قارا مەتاللۋرگيا ءوندىرىسىن ارتتىرۋ ءۇشىن بىرنەشە جوبا قولعا الىندى, دەپ حابارلايدى Egemen.kz.
2025 جىلعا دەيىن ەلدە جاڭادان 4 بولات قۇيۋ زاۋىتى, كوكس وندىرەتىن ەكى كاسىپورىن, 5 فەرروقورتپا زاۋىتى سالىنادى. ناتيجەسىندە سىرت ەلدەن 1,2 ميلليارد دوللارعا ساتىپ الاتىن ءونىم وزىمىزدە شىعارىلا باستايدى. بۇعان قوسا ەكسپورتتىق الەۋەتىمىز دە ارتادى. جوسپار بويىنشا وسى زاۋىتتار كاسىبىن ورگە دومالاتسا, قازاقستان شەت ەلدەرگە 3 ميلليارد دوللارعا تاۋار ەكسپورتتاۋعا مۇمكىندىك الادى. ءتۇستى مەتالل وندىرىسىندە دە 11 جوبا قولعا الىندى.
«اليۋمينيدەن ءونىم ءوندىرۋ بويىنشا 6 نەگىزگى جوبانى جۇزەگە اسىرۋ جوسپارلانۋدا. بۇل ەكسپورت كولەمىن 645 ملن اقش دوللارىنا ارتتىرۋعا مۇمكىندىك بەرەدى. مىستان دايىن بۇيىمدار شىعاراتىن 3 زاۋىتتىڭ قۇرىلىسى جوسپارلانۋدا. بۇل دا ەكسپورت كولەمىن 200 ملن اقش دوللارىنا ۇلعايتۋعا مۇمكىندىك بەرەدى», دەدى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ.
ايانا توعانبەك