«سەرگەك» جۇيەسىندە جاڭا فۋنكتسيا ىسكە قوسىلدى

«جالعان مەملەكەتتىك نومىرلەردى پايدالاناتىن, كولىكتەرگە ارنايى بەلگى بەرۋ قۇرىلعىلارىن ورناتقان كولىك جۇرگىزۋشىلەرىن, سونداي-اق كولىك قۇرالدارىن ماس كۇيىندە باسقارعان ادامداردى جاۋاپكەرشىلىككە تارتۋ بويىنشا ماقساتتى جۇمىستار جالعاسۋدا.  ايتپاقشى, وتكەن تاۋلىكتە عانا قالا جولدارىنداعى «قورعاۋ سەرگەك» كەشەنى جالعان ءنومىر پايدالانعان 11 جۇرگىزۋشىنى انىقتادى. وتكەن تاۋلىكتە ولار جالپى سوماسى 12 ميلليون 680 تەڭگەنى قۇرايتىن 790 قۇقىق بۇزۋشىلىق جاساعان.  بۇل كولىكتەر ۇستالىپ, ارنايى ايىپپۇل تۇراعىنا ورنالاستىرىلدى», دەدى, الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پولكوۆنيگى ماناپ ساتتاروۆ.  

ايىپپۇل سالىنعاندار اراسىندا – 1992 جىلى تۋعان ا.ەسىمدى ازامات بار. جاقىندا ول 92 رەت جول قوزعالىسى ەرەجەسىن بۇزعان.  ايىپپۇل سوماسى 1 ميلليون 541 مىڭ تەڭگەنى قۇرادى. 

«ايتا كەتەيىك, «قورعاۋ سەرگەك» جۇيەسى 2021 جىلدىڭ قاراشا ايىنان باستاپ پيلوتتىق رەجيمدە قولدانىلىپ كەلەدى.  جالپى, جىل باسىنان بەرى جالعان مەملەكەتتىك ءنومىر پايدالانعانى ءۇشىن (قر اقبك-ءنىڭ 590-بابى 3,4 بولىگى) 171 جۇرگىزۋشى ۇستالىپ, اكىمشىلىك جاۋاپكەرشىلىككە تارتىلدى. كولىكتەر ايىپپۇل تۇراعىنا ورناتىلدى.  سونىمەن قاتار, وتكەن تاۋلىكتە ارنايى جارىق-دىبىس جانە داۋىستى سيگنالداردى زاڭسىز پايدالانعان ەكى كولىك جۇرگىزۋشىلەرى ۇستالدى.  سونداي-اق, 7 ماس جۇرگىزۋشى كولىكتى باسقارۋدان شەتتەتىلدى», دەدى, پولكوۆنيك ساتتاروۆ.