AMANAT پارتياسىنىڭ XXIII سەزىندە پارتيانىڭ ساياسي كەڭەس قۇرامىنا ءۇش جاڭا ادام ەندى, دەپ حابارلايدى Egemen.kz.
پارتيا سەزىنىڭ كۇن تارتىبىندەگى ەكىنشى ماسەلە بويىنشا, AMANAT-تىڭ ساياسي كەڭەسىنە وزگەرىس ەنگىزۋ ماسەلەسى قارالدى.
«پارتيانىڭ جوعارى وكىلدىك ورگانىنىڭ ساياسي كەڭەس قۇرامىنا وزگەرىستەر ەنگىزۋ تۋرالى ماسەلەنى قاراۋدى ۇسىنامىن. پارتيا جارعىسىنىڭ №9.1 پۋنكتى بويىنشا, ساياسي كەڭەسكە وزگەرىس ەنگىزۋ ماسەلەسى پارتيا سەزىنىڭ ايرىقشا قۇزىرەتىنە جاتادى. سىزدەردىڭ قاراۋلارىڭىزعا AMANAT پارتياسىنىڭ ساياسي كەڭەس قۇرامىنا ەلدار تىنىشباي ۇلى جۇماعازيەۆتى, ماقسات مالىك ۇلى تولىقبايدى, داۋلەت تولەۋتاي ۇلى مۇقاەۆتى ەنگىزۋ ماسەلەسى ۇسىنىلادى», دەدى پارتيانىڭ اتقارۋشى حاتشىسى اسحات ورالوۆ.
سەز دەلەگاتتارى بۇل ۇسىنىستى دا ءبىراۋىزدان قولداپ داۋىس بەردى.
ايانا توعانبەك