ساقتاندىرۋ سەكتورىنىڭ تابىسى ءوستى

تيىسىنشە, شىعىن دا وسكەن – 31,6 پايىزعا, سوماسى – 117,2 ملرد تەڭگە. ۇلەستىرىلمەگەن تازا پايدا – 39,1 ملرد تەڭگەگە تەڭ. 2021 جىلدىڭ باسىمەن سالىستىرعاندا ەكى ەسە جوعارى. ءسويتىپ, سەكتور بەسىنشى جىل قاتارىنان تابىستى بولىپ وتىر دەيدى ساراپشىلار.

Ranking-ءتىڭ جازۋىنشا, سالاداعى 27 كومپانيانىڭ 23-ءى عانا بولىنبەگەن تازا پايدا تاپقان. بۇل رەتتە «ەۆرازيا» (16,8 ملرد تەڭگە), «ۆيكتوريا» (7,7 ملرد تەڭگە) جانە Jusan Garant (2 ملرد تەڭگە) كومپانيالارى كوش باس­تايدى. 2021 جىلدىڭ باستاپقى كەزەڭىمەن سالىستىرىپ قاراعان­دا زالالدى وتەمەگەن ساقتاندىرۋ كومپانيالارىنىڭ سانى 10-نان 4-كە قىسقارىپتى. الايدا وسى 4 سك-نىڭ جيىنتىق شىعىنى بىلتىرعى كورسەتكىشتەن 3 ەسە اسىپ تۇسكەن.

بيىل ادەپكى ەكى ايدا قازاق­ستاندىقتار ءوز ومىرلەرىن ساق­تان­دىرۋ ءۇشىن 47 ملرد تەڭگەدەن اس­تام سوما بەرگەن. بۇل اتالعان سەكتور­دىڭ بىزدە جوعارى قارقىن­مەن دامي باستاعانىن اڭعارتسا كە­رەك. ەگەر 2018 جىلعا دەيىن ءومىر­­دى ساق­تاندىرۋ بويىنشا كوم­پا­نيالار­عا سىيلىقاقىنىڭ ءتۇسۋ كور­سەتكىشى جىلىنا 100 ملرد تەڭ­گە­دەن اسپاسا, ودان كەيىنگى جىل­دارى جاع­داي كەنەت وزگەرگەن. سەكتوردا جي­نالعان سىيلىقاقى 2019 جىلى – 55,7 پايىزعا, 2020 جىلى – 16 پايىزعا, 2021 جىلى – 66 پا­يىزعا (رەكوردتىق كورسەتكىش) وسكەن.

«سىيلىقاقىنىڭ ءوسۋى حالىق­تىڭ قارجىلىق ساۋاتتىلىعىنىڭ ارتۋىنا جانە نارىقتا جاڭا ونىم­دەردىڭ پايدا بولۋىنا بايلانىس­تى. بۇرىن زاڭ تالاپتارىنا بايلانىستى ءومىردى ساقتاندىراتىن كومپانيالار قىزمەتى شەكتەلگەن ەدى. بىراق قازىر سەكتوردا جاڭا مۇم­كىندىكتەر اشىلدى. گەوساياسي تۇسىنىك­سىزدىك, سىرتقى شوك جانە ۇلت­تىق ۆاليۋتانىڭ قۇبىلۋى جاع­دا­يىندا جيناقتاۋشى ساقتان­دىرۋ قارجىلاندىرۋدىڭ بالاما كوزى بولا باستايدى. ياعني ونىڭ كومەگىمەن اقشانى ساقتاپ قانا قويماي, كوبەيتۋگە دە بولادى. كەيبىر ساقتاندىرۋ كومپانيالارى ءبىزدىڭ بانكتەردىڭ شەتەل ۆاليۋ­تاسىنداعى دەپوزيتتەرىنىڭ مار­دىمسىز ستاۆكاسىمەن سالىس­تىرعاندا اناعۇرلىم جوعارى سىياقى مولشەرلەمەسىن ۇسىنا وتىرىپ, دوللارمەن ينۆەستيتسيالاۋ مۇمكىندىگىن بەرەدى», دەپ جازادى Ranking.

ءومىردى ساقتاندىرۋ سەكتورىندا 9 كومپانيا جۇمىس ىستەپ جاتىر. ەكى ايدىڭ قورىتىندىسى بويىنشا 14,8 ملرد تەڭگە (نارىقتىڭ 31,1 پايىزى) سىيلىقاقى جيناعان Nomad Life كوش باستادى. بۇل كومپانيا سىيلىقاقى كولەمى بويىنشا جالپى سەكتوردىڭ ۇشتىگىنە دە كىرىپ وتىر. كومپانيا 6 باعىت بويىنشا 9 ءونىم ۇسىنادى. ەكىنشى ورىندا – «حالىق- Life» – 14,1 ملرد تەڭگە سىيلىقاقىمەن. ۇشتىكتى 5,2 ملرد تەڭگەمەن Freedom Finance Life قورىتىندىلايدى. وسى ءۇش كومپانيانىڭ ءوزى بۇكىل نارىقتىڭ 70 پايىزىن قامتيدى.

ء«ومىردى ساقتاندىرۋ نارىعى شەتەلدەردە وتە جاقسى دامىعان. كوپتەگەن دامىعان جانە دامۋشى ەلدە ءومىردى ساقتاندىرۋ قا­لىپ­تى ءومىر ءسۇرۋ نورماسى, دەن­ساۋلىق پەن ءال-اۋقاتتى قور­عاۋ­دىڭ ءتيىمدى ءتاسىلى جانە ماڭىز­دى ينۆەستيتسيالىق قۇرال بولىپ سانالادى. قازاقستان بىرتىن­دەپ ەكونوميكالىق ىنتىماق­تاس­تىق جانە دامۋ ۇيىمى ەل­دەرى­نىڭ دەڭگەيىنە جاقىنداپ كەلەدى. جال­پى ساقتاندىرۋ نارى­عىن­داعى ءومىردى ساقتاندىرۋ سىيلىق­اقى­سىنىڭ ۇلەسى بىزدە 46,6 پا­يىزدى قۇرايدى. بۇل كورسەتكىش دانيادا – 72,8, يرلانديادا – 76,6, ليۋكسەمبۋرگتە – 88,4, سين­گاپۋر­دە – 77,1, يتاليادا – 74,4, ۇلى­بريتانيادا 70,5 پايىزدى قۇرايدى», دەيدى ساراپشىلار.

سونىمەن قاتار ءومىردى ساق­تان­دىرۋ كومپانيالارىنىڭ اك­تيۆتەرى دە وسە تۇسكەن. بيىل ناۋ­­رىزدىڭ باسىنداعى جاعداي بويىن­شا 791,2 ملرد تەڭگەگە جەتتى. جال­پى, سوڭعى ءۇش جىلدا 33,9 پا­يىزعا ارتقان. ءومىردى ساقتاندىرۋ ن­ارى­عىنىڭ اكتيۆ ءوسىمى تۇر­عى­سىنان وزگە سەكتورلاردان ناتي­جەسى جوعارى ەكەنىن دە بايقاۋعا بو­لا­دى. Ranking ساراپشىلارىنىڭ باعام­داۋىنشا, بۇلاردىڭ سوڭعى بەس جىلداعى اكتيۆ ءوسىمى 27,7 پا­يىز­دى قۇراسا, ەكىنشى دەڭگەيلى بانك­تەردىڭ اكتيۆى 9,4, ال جالپى ساق­تاندىرۋ كوم­پانيالارىنىڭ اكتيۆى 13,2 پا­يىزعا عانا كوبەيگەن.