بۇل تۋرالى ورتالىق كوممۋنيكاتسيالار قىزمەتىندە وتكەن وتكەن ءباسپاسوز ءماسليحاتىندا «وتباسى بانك» اق باسقارما ءتورايىمى ءلاززات يبراگيموۆا ايتتى, دەپ حابارلايدى Egemen.kz.
«تۇرعىن ءۇي كەزەگىندە تۇرعان 46 ازاماتتىڭ ءوتىنىمى كەرى قايتارىلدى. سەبەبى ولاردىڭ اتتارىنا تىركەلگەن جىلجىمايتىن مۇلكى بار. ەرەجە بويىنشا تۇرعىن ءۇي كەزەگىندە تۇرعان ازاماتتاردىڭ اتىندا جىلجىمايتىن م ۇلىك بولماۋى ءتيىس», دەدى ءلاززات يبراگيموۆا.
سپيكەردىڭ ايتۋىنشا جەرگىلىكتى اكىمدىكتەر ازاماتتاردى تەكسەرمەي, ءۇي كەزەگىنە قويا بەرگەن. سونىمەن قاتار 52 ادامنىڭ سالىق بويىنشا قارىزى بولسا, تاعى 46 ادامنىڭ باسقا بانكتەر الدىندا قارىزى بار.
«قازىر بۇل ماسەلەنى شەشۋدىڭ زاڭدى تەتىكتەرىن قاراستىرىپ جاتىرمىز. يندۋستريا جانە ينفراقۇرىلىمدىق دامۋ مينيسترلىگى ءتيىستى زاڭنامانىڭ جوباسىن ازىرلەدى. قۇجات ماجىلىسكە جىبەرىلدى. بۇل قازاقستاندا العاش قولعا الىنىپ وتىرعان جوبا. ياعني, مەملەكەتتەن سۋبسيديا الۋ ءۇشىن ارنايى ەسەپشوت بولۋى كەرەك. ول ەسەپشوتقا تۇسكەن قارجىنى باسقا بانك كليەنتتىڭ قارىزى ەسەبىنەن شەشىپ الماۋى ءتيىس. ازاماتتىڭ سالىق بويىنشا قارىزى بولسا دا, مەملەكەتتىڭ جەڭىلدىگىن پايدالانۋ قۇقىعى بار», دەيدى سپيكەر.