يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى شىمكەنت قالاسىندا «7-20-25» تۇرعىن ءۇيدى نەسيەلەۋ باعدارلاماسىن جۇزەگە اسىرۋ بويىنشا وتكەن سانكتسيالانباعان كونكۋرسقا قاتىستى ۆەدومستۆونىڭ رەسمي تۇسىنىكتەمەسىن جاريالادى, دەپ حابارلايدى Egemen.kz.
«سانكتسيالانباعان كونكۋرس وتكىزۋ فاكتىسى بويىنشا يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى شىمكەنت قالاسىنىڭ اكىمدىگىنە «نۇرلى جەر» باعدارلاماسى شەڭبەرىندە سالىنىپ جاتقان نەسيەلىك تۇرعىن ءۇيدى بەرۋ تەتىگىن تۇسىندىرە وتىرىپ, حات جولدادى.
اتالعان باعدارلامانىڭ تالاپتارىنا سايكەس سالىنعان نەسيەلىك تۇرعىن ۇيلەر كەزەكتە تۇرعان ازاماتتار مەن سالىمشىلارعا كەزەڭ-كەزەڭىمەن «وتباسى بانكى» ارقىلى بەرىلەدى. وسىعان بايلانىستى اكىمدىك تۇرعىن ءۇيدى ساتۋ ءۇشىن اتالعان بانكپەن قاجەتتى كەلىسىم جاساۋى ءتيىس», دەپ جازىلعان يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنىڭ تاراتقان حابارلامادا.
يدم زاڭناما شەڭبەرىندە اكىمدىكتىڭ شەشىمىن قايتا قاراۋ, سونداي-اق جەرگىلىكتى اتقارۋشى ورگاننىڭ ءىس-قيمىلىن قولدانىستاعى تۇرعىن ءۇي باعدارلاماسىنىڭ تالاپتارىنا سايكەس كەلتىرۋ قاجەتتىگىن اتاپ ءوتتى.
ايتا كەتسەك, اتالعان فاكتىنى يندۋستريا جانە ينفراقۇرىلىمدىق دامۋ ءمينيسترى قاتاڭ باقىلاۋعا الدى. قايىربەك وسكەنباەۆتىڭ تاپسىرماسىنا سايكەس قۇزىرلى ورگاندار كىنالى لاۋازىمدى تۇلعالاردى جاۋاپكەرشىلىككە تارتۋ ماسەلەسىن قاراستىرادى. ناتيجەلەرى تۋرالى قوسىمشا حابارلاناتىن بولادى