مەملەكەت باسشىسى قاسىم-جومارت توقاەۆ فرانتسيا پرەزيدەنتىنە قۇتتىقتاۋ جەدەلحاتىن جولدادى, دەپ حابارلايدى Egemen.kz اقورداعا سىلتەمە جاساپ.
قاسىم-جومارت توقاەۆ قازاقستان حالقىنىڭ جانە جەكە ءوزىنىڭ اتىنان ەممانۋەل ماكروندى فرانتسۋز رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
مەملەكەتىمىزدىڭ باسشىسى قۇتتىقتاۋ جەدەلحاتىندا ەممانۋەل ماكروننىڭ سايلاۋداعى ايقىن جەڭىسى فرانتسيانىڭ ۇلتتىق مۇددەسىن قورعاۋ جانە ەلدى وركەندەتۋ جولىنداعى ونىڭ قاجىرلى قىزمەتىنە حالىقتىڭ بەرگەن جوعارى باعاسى مەن سەنىمىنىڭ ايعاعى دەپ اتاپ وتكەن.
قازاقستان پرەزيدەنتى ەكى ەل اراسىنداعى ءداستۇرلى دوستىق پەن ءوزارا قولداۋعا نەگىزدەلگەن ستراتەگيالىق سەرىكتەستىككە تىڭ سەرپىن بەرۋ ءۇشىن ءوزارا كۇش-جىگەر جۇمىلدىرۋعا دايىن ەكەنىن ناقتىلادى.
– وسىعان بايلانىستى قازاقستان مەن فرانتسيا اراسىنداعى سان قىرلى ىقپالداستىقتى نىعايتۋ جولدارىن تالقىلاۋ ءۇشىن ءوزارا قولايلى ۋاقىتتا ءسىزدى قازاقستانعا رەسمي ساپارمەن كەلۋگە شاقىرامىن, – دەدى قاسىم-جومارت توقاەۆ.
قازاقستان پرەزيدەنتى فرانتسيا كوشباسشىسىنا سارقىلماس كۇش-قۋات جانە اسا جاۋاپتى قىزمەتىنە ساتتىلىك, ال دوستاس فرانتسۋز حالقىنا مول باقىت پەن قۇت-بەرەكە تىلەدى.