بۇگىن قر اقپارات جانە قوعامدىق دامۋ ءمينيسترى اسقار وماروۆتىڭ تالعار اۋدانىنىڭ تۇرعىندارىمەن, سونداي-اق الماتى وبلىسىنىڭ ۇەۇ جانە باق وكىلدەرىمەن كەزدەسۋى ءوتتى, دەپ حابارلايدى Egemen.kz.
كەزدەسۋ بارىسىندا ا.وماروۆ مينيسترلىكتىڭ ىسكە اسىرعان جوبالارى, اتقارعان جۇمىستارى مەن نەگىزگى مىندەتتەرى تۋرالى ايتىپ بەردى.
باياندامانىڭ باسىندا اسقار وماروۆ وڭىرلىك باق-تى بارىنشا تارتا وتىرىپ, وڭىرلىك مەملەكەتتىك اقپاراتتىق تاپسىرىستى ۋاقىتىلى ىسكە اسىرۋ قاجەتتىگى تۋرالى اتاپ ءوتتى.
سونىمەن قاتار, مينيستر ازاماتتىق قوعامدى دامىتۋ سالاسى بويىنشا, اتاپ ايتقاندا: مەملەكەتتىك الەۋمەتتىك تاپسىرىس شەڭبەرىندە الەۋمەتتىك جوبالاردى ىسكە اسىرۋ ارقىلى ۇەۇ-نى قارجىلاندىرۋ; ۆولونتيورلىك قىزمەت, قايىرىمدىلىق, مەملەكەتتىك الەۋمەتتىك تاپسىرىس جانە ۇەۇ-عا ارنالعان گرانتتار ماسەلەلەرى بويىنشا زاڭنامانى جەتىلدىرۋ; ۆولونتيورلەردىڭ فرونت-وفيستەرىن قۇرۋ, گرانتتىق قارجىلاندىرۋ, سونداي-اق حالىقارالىق ۆولونتيورلىك قىزمەتتى قۇرۋ ارقىلى ۆولونتيورلىك قوزعالىستى ودان ءارى دامىتۋ, «جىل ءۆولونتيورى» حالىقارالىق سىيلىعىن تاعايىنداۋ بويىنشا ەگجەي-تەگجەيلى توقتالىپ ءوتتى.
ء«بىرىنشى جۇمىس ورنى» جانە «Zhas Project» جوبالارى, «تاۋەلسىزدىك ۇرپاقتارى» گرانتتارى سياقتى جاستاردى قولداۋ جونىندەگى مەملەكەتتىك شارالارعا ەرەكشە نازار اۋدارىلدى.
ءىس-ساپار باعدارلاماسىنىڭ ماڭىزدى بولىگى بۇقارالىق اقپارات قۇرالدارىنىڭ وكىلدەرىنە ارنالعان بريفينگ پەن ازاماتتاردى جەكە قابىلداۋ بولدى. اتالمىش بريفينگ پەن جەكە قابىلداۋ بارىسىندا مينيسترلىكتىڭ جەتەكشىلىك ەتەتىن سالالارى بويىنشا حالىقتى تولعاندىراتىن وزەكتى سۇراقتار قويىلىپ, تولىققاندى جاۋاپتار بەرىلدى.