شىمكەنتتە جول ەرەجەسىن ءجيى بۇزاتىن جۇرگىزۋشىلەردى انىقتايتىن «قورعاۋ» باعدارلاماسى ىسكە قوسىلدى. بۇل قوسىمشا پاترۋلدىك پوليتسەيگە جاقىن ماڭدا 10 مينۋت ىشىندە ەكى رەت جول ەرەجەسىن بۇزعان نەمەسە كولىگىنە جالعان نومىرلەر ورناتقان زاڭبۇزۋشىلاردى كورسەتىپ وتىرادى, دەپ حابارلايدى Egemen.kz.
جاڭا باعدارلاما ەلىمىزدىڭ باس پوليتسەيى مارات احمەتجانوۆتىڭ مەگاپوليسكە ساپارى اياسىندا تانىستىرىلدى. «قورعاۋ» باعدارلاماسىن مۇقيات ءتۇسىندىرىپ شىققان ءتارتىپ ساقشىلارى ونىڭ ايىپپ ۇلى تولەنبەگەن, ساقتاندىرۋ, تەحنيكالىق بايقاۋدان وتپەگەن نەمەسە ىزدەۋدە جۇرگەن اۆتوكولىك جۇرگىزۋشىسى جايلى حاباردار ەتەتىنىن ايتادى.
وسىلايشا جول قوزعالىسىن قاداعالاۋ كەزىندە پوليتسيا ناريادتارى «تاۋەكەل ەتۋ توبىمەن» بىرگە ارەكەت ەتەتىن بولادى. ءوز كەزەگىندە جول قوزعالىسىنىڭ ناقتى ۋاقىت رەجيمىندە الدىن الۋعا مۇمكىندىك بەرەدى.
ايتا كەتەيىك, شىمكەنت پوليتسياسى قۇقىق بۇزۋشىلىقتارعا جەدەل ارەكەت ەتۋ ماقساتىندا رەسپۋبليكا بويىنشا العاشقى بولىپ «قورعاۋ» باعدارلاماسىن پايدالانىپ وتىر. ءبىر تاۋلىك ىشىندە پاترۋلدىك پوليتسيا پولكىنىڭ قىزمەتكەرلەرى «قورعاۋ» باعدارلاماسىنىڭ كومەگىمەن ءارتۇرلى بۇزۋشىلىقتارى بار 70-تەن استام اۆتوكولىكتى تىركەدى. ونىڭ ىشىندە جۇرگىزۋشىلەردىڭ 18-ءى جالعان نومىرمەن ۇستالعان.