نەسيە تاريحىن داۋلاۋعا بولادى

وسى پروتسەستى مەملەكەتتىك نەسيە بيۋروسىنىڭ رەسمي سايتىنداعى «اقپاراتتى قالاي داۋلاۋعا بولادى» جانە ءبىرىنشى نەسيە بيۋروسى سايتىنداعى «اقپاراتتى داۋلاۋ» بولىمدەرى ارقىلى جۇزەگە اسىرۋعا مۇمكىندىك بار. قىزمەت تەگىن ۇسىنىلادى. ءوتىنىم قابىلداۋ ونلاين تۇردە ىسكە اسىپ, ءوتى­نىم 15 جۇمىس كۇنى ىشىندە قاراستىرىلادى. كرەديتوردان ءتيىستى جاۋاپ كەلگەننەن كەيىن ءوتىنىم بەرۋشىگە نەسيە بيۋروسى تاراپىنان قا­جەتتى ناتيجە (جاۋاپ) جىبەرىلەدى. ەگەر قاتە اقپارات انىقتالسا جانە نەسيە بەرۋشى تۇزەتۋلەر ەنگىزسە, بۇل وزگەرىستەر ءوتىنىش بەرۋشىنىڭ نەسيە­لىك ەسەبىندە كورسەتىلەدى.

جەكە نەسيە ەسەبىندە كورىنىس تاباتىن اقپاراتتى داۋلاۋ وقيعالارى مىناداي: نەسيە تاريحىندا وتەلگەن تولەم كەشىكتىرىلدى دەپ كورسەتىلسە; جابىلعان كەلىسىمشارت بويىنشا قارىز بارى انىقتالسا; الاياقتىق جولمەن ءوتىنىش بەرۋشىنىڭ اتىنان نەسيە راسىمدەلسە; ەگەر كرەديتتىك ەسەپتە ءوتىنىش بەرۋشى كەلىسىم بەرمەگەن ۇيىمنىڭ كرەديتتىك تاريحتى الۋ تۋرالى ءوتىنىشىن كورگەن بولسا; جەكە دەرەكتەر ىشىندە دۇرىس ەمەس اقپاراتتار جۇرسە; وڭالتۋ ەرەجەلەرiنiڭ تالاپتارىنا سايكەس كەلەتiن قارىز شارتتارى بويىنشا «وڭالتۋ» مارتەبەسi بولماعان جاعدايدا.

ەگەر ءسىز جەكە نەسيە ەسەبىندە كورسەتىلگەن قانداي دا ءبىر اقپاراتپەن كەلىسپەيتىن بولساڭىز, ءبىرىنشى نەسيە بيۋروسىنا (نەمەسە مەملەكەتتىك نەسيە بيۋروسىنا) ارىزدانا الاسىز. ول ءۇشىن fingramota.kz سايتىنداعى ارنايى فورما ارقىلى جەكە دەرەكتەر – جسن جانە تەلەفون ءنومىرىن ەنگىزەسىز. داۋلاسۋ ءۇشىن مەرزىمى 15 كۇننەن كەشىكپەگەن وزەكتى نەسيە ەسەبىن الۋىڭىز قاجەت. ونى دا مەملەكەتتىك نەسيە بيۋروسىنان (id.mkb.kz) نەمەسە ءبىرىنشى نەسيە بيۋروسىنان (www.1cb.kz) سۇراي الاسىز. جەكە نەسيە ەسەبى جىلىنا ءبىر مارتە تەگىن بەرىلەدى.

نەسيە تاريحىنداعى داۋلاۋ مارتەبەسىن مەملەكەتتىك نەسيە بيۋروسىنىڭ كورپوراتيۆتى WhatsApp چاتى (+7 701 485 08 34) نەمەسە ءبىرىنشى نەسيە بيۋروسىنداعى جەكە كابينەت ارقىلى قاداعالاپ وتىرۋعا مۇمكىندىك قاراستىرىلعان.