قىزىلوردادا قۇرىلىس زاتتارىن ۇرلاعان تۇرعىن ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
16 ءساۋىر كۇنى قالا تۇرعىنى پوليتسيا باسقارماسىنىڭ كەزەكشى بولىمىنە كەلىپ, مەنشىك ءۇيدىڭ اۋلاسىندا تۇرعان جالپى قۇنى بەس ملن تەڭگە تۇراتىن قۇرىلىس زاتتارىن ۇرلاپ كەتكەنى جونىندە ارىزدانعان.
«ۇرلىققا قارسى باعدارلاما بارىسىندا ءتارتىپ ساقشىلارى 45 جاستاعى قالا تۇرعىنىن ۇستادى», دەلىنگەن حابارلامادا.
اتالعان دەرەك بويىنشا قازاقستان رەسپۋبليكاسىنىڭ قك-ءنىڭ 188-بابى 3-بولىگىنىڭ 3-تارماعىمەن (ۇرلىق) سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.