قازاقستان رەسپۋبليكاسىنىڭ ۇكىمەتى رەسپۋبليكالىق مەنشىكتىڭ كەيبىر ماسەلەلەرى تۋرالى قاۋلى قابىلدادى, دەپ حابارلايدى Egemen.kz پرەمەر-ءمينيستردىڭ رەسمي سايتىنا سىلتەمە جاساپ.
«كولىكتىك سەرۆيس ورتالىعى» اق (كسو) اكتسيالارى پاكەتىنىڭ 100%-ىن سىيعا تارتۋ شارتى بويىنشا رەسپۋبليكالىق مەنشىككە بەرۋ تۋرالى «تەمىر تريۋمف» جشس-ءنىڭ ۇسىنىسى قابىلدانسىن», دەلىنگەن قاۋلى ماتىنىندە.
«كسو» اق قازاقستانداعى 400-دەن استام تەمىرجول كىرمە جولدارىنىڭ تەڭگەرىم ۇستاۋشىسى ەكەنىن اتاپ وتكەن ءجون.
سونداي-اق سىيعا تارتۋ شارتى بويىنشا «Integrity Solutions» جشس اقپاراتتىق-كوممۋنيكاتسيالىق سالادا قىزمەت كورسەتەتىن «Soft Art» جشس جارعىلىق كاپيتالىنداعى قاتىسۋ ۇلەسىنىڭ 50%-ىن رەسپۋبليكالىق مەنشىككە بەرەدى.
«Bridge capital investments limited» جەكە كومپانياسى مەملەكەتكە تاۋ-كەن جانە وڭدەۋ ونەركاسىبى سالالارىندا جۇمىس ىستەيتىن «اكموليت» جشس, «مارحيت» جشس, «توپاز-نس» جشس جارعىلىق كاپيتالدارىنداعى قاتىسۋ ۇلەستەرىنىڭ 100%-ىن بەرەدى. «كسو» اق اكتسيالارى جانە اتالعان سەرىكتەستىكتەردىڭ جارعىلىق كاپيتالدارىنداعى قاتىسۋ ۇلەستەرى «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ ورنالاستىرىلاتىن اكتسيالارىنا تولەۋگە بەرىلەدى.
قاۋلى قول قويىلعان كۇننەن باستاپ قولدانىسقا ەنگىزىلەدى.