بيىل «بولاشاق» باعدارلاماسىنا 40 جاڭا ماماندىق ەنگىزىلدى, دەپ حابارلايدى Egemen.kz.
«بيىل ەڭبەك نارىعىنىڭ ترەندتەرىن تالداۋدىڭ ناتيجەسىندە «بولاشاق» باعدارلاماسىنىڭ باسىم ماماندىقتار تىزىمىنە 40 جاڭا ماماندىق قوسىلدى. ولار يننوۆاتسيا, جاڭا تەحنولوگيا, مەديتسينا جانە يندۋستريالىق ينجەنەريا, جاراتىلىستانۋ عىلىمدارىمەن بايلانىستى. وسى رەتتە 17 ماماندىقتىڭ اتاۋى كەڭەيتىلىپ, بۇرىننان بار ماماندىقتار قاتارىنا قوسىلدى, ال 23-ءى جاڭا ماماندىق رەتىندە ەنگىزىلدى», دەپ جازدى ءانۋار جانعوزين Facebook-تەگى پاراقشاسىندا.
ونىڭ ايتۋىنشا, تەحنيكالىق باعىتتاعى ماماندىقتار 30%-عا كەڭەيتىلگەن.
«حالىقارالىق باعدارلامالار ورتالىعى باسىم ماماندىقتاردى انىقتاۋ ءۇشىن جوعارى جانە جوعارى وقۋ ورنىنان كەيىنگى ءبىلىمى بار كادرلارعا قاجەتتىلىگى تۋرالى مەملەكەتتىك ورگاندار مەن ۇيىمداردان كەلىپ تۇسكەن 70-كە جۋىق وتىنىمگە تالداۋ جاسادى. كادرلىق نارىقتىڭ ورتا مەرزىمدى بولجامىن ەسكەردى. مەملەكەتتىك ورگاندار, جوو, عىلىمي ورتالىقتار, يندۋستريا جانە بيزنەس وكىلدەرىنىڭ قاتىسۋىمەن ساراپتامالىق كەزدەسۋلەر وتكىزىلدى», دەدى ورتالىقتىڭ باسقارما توراعاسى.
ءانۋار جانعوزين 2022 جىلى شەتەلدىك ۋنيۆەرسيتەتتەردە ءبىلىم الۋعا ارنالعان باسىم ماماندىقتار تىزىمىنە جالپى اكادەميالىق وقۋعا ارنالعان 92 ماماندىق جانە تاعىلىمدامادان وتۋگە ارنالعان 158 ماماندىق كىرگەنىن اتاپ ءوتتى.
ءتىزىمدى حالىقارالىق باعدارلامالار ورتالىعىنىڭ رەسمي سايتىنان قاراۋعا بولادى.
ايانا توعانبەك