ۇكىمەت «قاراپايىم زاتتار ەكونوميكاسى» باعدارلاماسى مەن «بيزنەستىڭ جول كارتاسى» اياسىندا بيزنەستى قولداۋ شارالارىن جالعاستىرادى. بۇل تۋرالى پرەمەر-مينيستر ءاليحان سمايىلوۆ ۇكىمەت وتىرىسىندا ايتتى, دەپ حابارلايدى Egemen.kz.
«ۇكىمەت «اتامەكەن» ۇلتتىق پالاتاسىمەن بىرگە بيزنەستى دامىتۋعا قولايلى جاعداي جاساۋ ءۇشىن جۇيەلى جۇمىس جۇرگىزىپ كەلەدى. كاسىپكەرلىكتى دامىتۋ جونىندەگى ۇلتتىق جوبا بەكىتىلىپ, كاسىپكەرلىك قىزمەت سالاسىندا جاڭا رەتتەۋ ساياساتىن ەنگىزۋ ماسەلەلەرى تۋرالى زاڭ قابىلداندى. ءوز كەزەگىندە ۇكىمەت «قاراپايىم زاتتار ەكونوميكاسى» باعدارلاماسى مەن «بيزنەستىڭ جول كارتاسى» اياسىندا قولداۋ شارالارىن جالعاستىرادى», دەدى ۇكىمەت باسشىسى.
سونداي-اق ول شاعىن جانە ورتا كاسىپكەرلىكتى دامىتۋتىڭ 2030 جىلعا دەيىنگى تۇجىرىمداماسى اياسىندا قانداي ىستەر قولعا الىناتىنىن اتادى.
«بۇل قۇجاتقا سايكەس, شاعىن جانە ورتا بيزنەستىڭ دامۋىنا جاڭا سەرپىن بەرۋ ءۇشىن قاجەتتى ينستيتۋتسيونالدىق جاعدايلار مەن العىشارتتار قابىلداناتىن بولادى», دەدى پرەمەر-مينيستر.