ەلدىڭ الەۋەتىن ايگىلەگەن كورمە

دۇنيەجۇزىلىك EXPO 2020 DUBAI كورمەسىنىڭ تاقىرىبى – «اقىل-ويدى بىرىكتىرە وتىرىپ, بولاشاقتى قالىپ­تاستىرۋ». تاياۋ شىعىستا العاش رەت ۇيىمداستىرىلعان كورمە 2021 جىلدىڭ 1 قازانىنان 2022 جىلدىڭ 31 ناۋرىزىنا دەيىن جۇمىس ىستەدى. وعان 192 مەملەكەت پەن 30 حالىقارالىق ۇيىم قاتىستى. 24 ملن-نان استام ادام كورمەنى تاماشالاۋ مۇمكىندىگىنە يە بولدى.

EXPO 2020 DUBAI ۇيىمداستىرۋ كوميتەتى حابارلاعانداي, قازاقستاننىڭ ۇلتتىق پاۆيلونى كورمەدەگى ەڭ تانىمال ۇزدىك 10 پاۆيلوننىڭ قاتارىنا ەندى. ونى 1,6 ملن-نان استام ادام مەن 1 مىڭنان استام رەسمي دەلەگاتسيا تاماشالادى.

ءبىزدىڭ پاۆيلوندى ەڭ العاش بولىپ بىرىككەن اراب امىرلىكتەرىنىڭ پرەمەر-ءمينيسترى مۇحاممەد يبن راشيد ءال-ماكتۋم مەن دۋبايدىڭ مۇراگەر حانزاداسى حامدان يبن مۇحاممەد ءال ماكتۋم ارالاپ, وڭ باعاسىن بەردى. مارتەبەلى مەيماندار كورمەنىڭ العاشقى كۇنىندە قازاقستانمەن قاتار بىرىككەن اراب امىرلىكتەرى, اقش پەن قىتاي سىندى الپاۋىت ەلدەردىڭ ۇلتتىق پاۆيلونىنا باس سۇقتى.

EXPO 2020 DUBAI قورىتىندىسى بويىنشا قازاقستان پاۆيلونى حالىقارالىق كورمەلەر بيۋروسىنىڭ «تاقىرىپتى اشۋ» باس نوميناتسياسى بويىنشا كۇمىس جۇلدەگە يە بولدى. 192 مەملەكەتتىڭ ىشىنەن گەرمانيا ء(بىرىنشى ورىن) جانە يتاليا ء(ۇشىنشى ورىن) ەلدەرىمەن بىرگە ۇزدىك ۇشتىككە ەنگەن قازاقستاننىڭ الەم الدىنداعى مارتەبەسى كەزەكتى رەت اسقاقتادى.

سونىمەن قاتار قازاقستان امەريكالىق Exhibitor Magazine جۋرنالىنىڭ نۇسقاسى بويىنشا «ۇزدىك تۇساۋكەسەر» نوميناتسياسىندا ءبىرىنشى ورىندى جانە «ۇزدىك پاۆيلون» نوميناتسياسىندا ءۇشىنشى ورىندى يەلەندى.

كورمە ۋاقىتىندا ءبىزدىڭ پاۆيلوندا 51 ءىس-شارا ۇيىمداستىرىلدى. ونىڭ قورىتىندىسى بويىنشا 16 كەلىسىم مەن مەموراندۋم جاسالدى. رەسپۋبليكا وڭىرلەرى وزدەرىنىڭ الەۋمەتتىك-ەكونو­مي­كالىق جانە مادەني-تۋريستىك مۇمكىن­دىك­تەرىن تانىستىرۋعا بەلسەندى قاتىستى.

Kazakh Tourism ۇلتتىق كومپانياسى «قازاقستاننىڭ تۋريزم كۇندەرىن» ۇيىمداستىردى. ال QazTrade كومپانياسى ەلدىڭ ەكسپورتتىق الەۋەتىن پاش ەتتى. وسى ورايدا ازىق-ت ۇلىك, اۋىل شارۋاشىلىعى جانە حالال ونىمدەردىڭ سەرتيفيكاتىن تانۋ تۋرالى كەلىسىم جاسالدى. ول وتاندىق ونىمدەردى بىرىككەن اراب امىرلىكتەرى نارىعىنا جەتكىزۋگە جول اشادى.

قازاقستاننىڭ كورمەدەگى ۇلتتىق كۇنى اياسىندا ساۋدا-ينۆەستيتسيالىق فورۋم ۇيىمداستىرىلدى. وعان بىرىككەن اراب امىرلىكتەرىنىڭ ەنەرگەتيكا جانە ينفراقۇرىلىم ءمينيسترى سۋحەيل ءال-مازرۋي, وسى ەلدىڭ مەملەكەتتىك ءمينيسترى احمەد ءالي ءال-ساەح قاتىستى.

– دۇنيەجۇزىلىك EXPO 2020 DUBAI كورمەسىنە قاتىسۋ قازاقستانعا ەكونوميكالىق تۇرعىدان ءتيىمدى بولعانى داۋسىز. سونداي-اق ءبىزدىڭ ەل جاھان جۇرتشىلىعىنا بيزنەستى, عىلىمدى, ءتۋريزمدى جانە ادامي رەسۋرستاردى دامىتۋدا زور مۇمكىندىكتەرگە يە ەكەنىن تانىتتى, حالىقارالىق ارەناداعى بەدەلىن ودان ءارى نىعايتا ءتۇستى. پاۆيلوندا ەل ەكونوميكاسىنىڭ ءتۇرلى سالاسى, ونىڭ ىشىندە ينۆەستيتسيالىق, تۋريستىك, ونەركاسىپتىك, كولىك-لوگيستيكالىق جانە اگرارلىق الەۋەتى, سونداي-اق تاريحي جانە مادەني مۇراسى بارىنشا پاش ەتىلدى, – دەيدى QazExpoCongress ۇلتتىق كومپانياسىنىڭ باسقارما توراعاسى اللەن ءشايجۇنىسوۆ.

كورمە عىلىم, ءبىلىم, مادەنيەت جانە ونەر سالاسىندا تاجىريبە الماسۋ تۇرعىسىنان دا بىرەگەي الاڭ بولعانىن اتاپ وتكەن دۇرىس. ءبىزدىڭ عالىمدار مەن وتاندىق جوعارى وقۋ ورىندارىنىڭ وكىلدەرى جاساندى ينتەللەكت پەن ءبىلىمنىڭ ءوزارا بايلانىسىن, سالاداعى اعىمدىق ۇردىستەر مەن ازىرلەمەلەردى, باسقا دا ماڭىزدى تاقىرىپتاردى تالقىلادى. وتاندىق يننوۆاتسيالىق ءبىلىم بەرۋ سالاسىنىڭ ستارتاپ جوبالارى ۇسىنىلدى.

كورمەگە كەلۋشىلەر ءبىزدىڭ پاۆيلوندا گيننەستىڭ رەكوردتار كىتابىنا ەنگەن جەر پلانەتاسىنىڭ ءپروتوتيپى «عالام سۋرەتى» ارت-جوباسىن تاماشالادى. پاۆيلوننىڭ مادەني باعدارلاماسى اياسىندا ايمان مۇساقوجاەۆا, مايرا مۇحامەدقىزى, ماريا مۋدرياك, ديماش قۇدايبەرگەن سىندى ونەر مايتالماندارى, ءدىنزۋحرا تىلەنديەۆا جەتەكشىلىك ەتەتىن ن.تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترى دۋباي اسپانىن ءان-جىرعا بولەدى.

قازاقستاننىڭ ۇلتتىق تاعامدار مەيرامحاناسى كەلۋشىلەردى ەرەكشە ءتانتتى ەتتى. ەتنوستىق مۋزىكالىق ۇجىمداردىڭ ورىنداۋىنداعى اشىق الاڭداعى كۇندەلىكتى قويىلىمدار ايرىقشا اتموسفەرا سىيلادى.

QazExpoCongress ۇلتتىق كومپانياسى مەن EXPO 2020 DUBAI ۇيىمداستىرۋ كوميتەتى اراسىنداعى كەلىسىمگە سايكەس EXPO 2017 ASTANA نىساندارىن كورمەدەن كەيىن پايدالانۋداعى قازاقستاننىڭ تاجىريبەسى نازارعا الىندى. ءبىزدىڭ ەلدەگى تاجىريبە كورسەتكەندەي, كورمە نىساندارى جاڭا ەكوجۇيەگە اينالدى جانە ولار ءوزىن-ءوزى اقتاپ جاتىر. سوندىقتان EXPO 2020 DUBAI ۇيىمداستىرۋشىلارى دا قازاقستان تاجىريبەسىنە سۇيەنىپ, كورمە اۋماعىن جاڭا District 2020 ىسكەرلىك ورتالىعىنا اينالدىرماق. بۇل رەتتە كورمەنىڭ ۇيىمداستىرۋ كوميتەتى بىرقاتار ەلگە, ونىڭ ىشىندە قازاقستانعا ءوز پاۆيلوندارىن ساقتاۋدى ۇسىندى. مۇنداي شەشىمدى قازىردىڭ وزىندە ساۋد ارابياسى, ءۇندىستان, اۋستريا, ليۋكسەمبۋرگ سەكىلدى ەلدەر قۇپ كورىپ وتىر.

IT-سالاداعى الەمدىك ءىرى كومپانيالار مەن بىرىككەن اراب امىرلىكتەرىنىڭ ENOC, Emirates, DP World سياقتى الپاۋىتتارى جاڭا ىسكەرلىك ورتالىقتىڭ اۋماعىندا ءوز كەڭسەلەرىن اشاتىن بولدى.

قازاقستان دا ءوز پاۆيلونىن ەلىمىزدىڭ ەكسپورتتىق-ينۆەستيتسيالىق الەۋەتىن ودان ءارى ىلگەرىلەتۋ جولىندا ءتيىمدى پايدالانۋدى جوسپارلاپ وتىر.

ەندى دۇنيەجۇزىلىك كورمەنى 2025 جىلى جاپونيانىڭ وساكا قالاسى وتكىزەدى.