جامبىل وبلىسىنان ەلىمىزدىڭ باتىس وڭىرىنە ەسىرتكى جەتكىزىپ كەلگەن ءىرى ارنا جويىلدى, دەپ حابارلايدى Egemen.kz.
ايشا-ءبيبى اۋىلى ماڭىندا تۇركىستان وبلىسىنىڭ 36 جاستاعى تۇرعىنىنىڭ كولىگى پوليتسەيلەر كۇدىگىنە ىلىككەن. ءتارتىپ ساقشىلارىن بايقاعان ەر ادام كولىگىن تاستاپ, جاياۋ قاشپاق بولعان, الايدا قولعا ءتۇستى. تەكسەرۋ بارىسىندا ونىڭ كولىگىنەن 200 كەلى ەسىرتكى تابىلدى. كەپتىرىلگەن ماريحۋانانى ول بىلتىر تامىز ايىندا شۋ اۋدانىندا دايىنداعانىن مويىنادادى. ۇستالعان ازامات ۋاقىتشا ۇستاۋ يزولياتورىنا قاماۋعا الىندى.
ايانا توعانبەك