بيىل ناۋرىزدا ازىق-ت ۇلىك تاۋارلارى باعاسىنىڭ ءوسۋى جىلدىق ماندە 15,4% جەدەلدەدى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
ناۋرىزدا قازاقستاندا تۇتىنۋ باعاسى 3,7%-كە ءوسىپ, 1996 جىلدان باستاپ وسى اي ءۇشىن ەڭ جوعارى ءماندى كورسەتتى, جىلدىق ماندە باعا 12% ءوستى.
بيىل اقپاندا ينفلياتسيا 8,7% بولدى. 2022 جىلعى ناۋرىزدا ازىق-ت ۇلىك تاۋارلارى باعاسىنىڭ ءوسۋى جىلدىق ماندە 15,4% بولدى, اقپانداعى كورسەتكىش – 10%. 2021 جىلعى قاراشادا نانتوقاش ونىمدەرى مەن جارمالار قىمباتتاي باستاپ, استىق داقىلدارىنىڭ تومەن تۇسىمدىلىگىنە جانە الەمدىك باعانىڭ جوعارى بولۋىنا بايلانىستى جالعاستى. مايلار مەن توڭ مايلار, ءسۇت ونىمدەرى مەن ەت باعاسىنىڭ ءوسۋى جەدەلدەدى. دۇرلىكپە سۇرانىس قانت باعاسىنىڭ ءوسۋىن جەدەلدەتۋگە ىقپال ەتتى. باعانىڭ ءوسۋىن جەدەلدەتۋگە جەمىستەر مەن كوكونىستەردىڭ قىمباتتاۋى ەلەۋلى ۇلەس قوستى, ال كوكونىستەر اراسىندا قىرىققابات, پياز, ءسابىز, قىزاناق جانە كارتوپ باعاسى ايتارلىقتاي ءوستى. 2022 جىلعى ناۋرىزدا جىلدىق ازىق-ت ۇلىك ەمەس تاۋارلاردىڭ ينفلياتسياسى – 10,9%, اقپانداعى كورسەتكىش – 8,6%.
تەڭگە باعامىنىڭ السىرەۋى تاۋارلاردىڭ بارلىق توبى بويىنشا باعانىڭ وسۋىنە اسەر ەتتى. كولىكتەر ميكروچيپتەردىڭ جەتىسپەۋشىلىگىنە بايلانىستى قىمباتتادى. يمپورت باعاسىنىڭ وسۋىنە بايلانىستى كيىم مەن اياق كيىم, ءدارى-دارمەك باعاسىنىڭ ءوسۋى جەدەلدەدى. اقىلى قىزمەتتەر باعاسىنىڭ جىلدىق ءوسۋ قارقىنى 2022 جىلعى ناۋرىزدا 8,3% بولدى, اقپانداعى كورسەتكىش – 7,1%. تۇرمىسقا جايلى تۇرعىن ءۇيدى جالعا الۋ باعاسى سۇرانىستىڭ ارتۋى جانە تۇرعىن ءۇي ساتىپ الۋ قۇنىنىڭ وسۋىنە بايلانستى ارتتى. سونداي-اق امبۋلاتوريالىق قىزمەتتەردىڭ باعاسىدا ءوستى.
كارانتين شەكتەۋلەرىنىڭ جويىلۋى سۇرانىستىڭ وسۋىنە جانە شاشتارازدار, مادەنيەت جانە دەمالىس قىزمەتتەرى, مەيرامحانالار مەن قوناق ۇيلەر باعاسىنىڭ وسۋىنە اكەلدى. 2022 جىلعى ناۋرىزدا وڭدەۋ ونەركاسىبىندەگى وندىرۋشىلەر باعاسىنىڭ ءوسۋى – 23,3%, اقپانداعى كورسەتكىش – 21%. جىلدىق ماندە باعانىڭ ءوسۋى 16,5% قۇراعان تاماق ونىمدەرىنىڭ قۇرىلىمىندا جانار-جاعارماي باعاسى, ەلەكتر ەنەرگياسى جانە جەمشوپ داقىلدارىنىڭ قىمباتتاۋى اياسىندا ەت جانە ءسۇت ونىمدەرىن وندىرۋشىلەر باعاسىنىڭ ءوسۋى جەدەلدەدى.