كەزدەسۋدە سالا ماماندارى بيوگۋمۋس بيزنەسى بويىنشا تاجىريبەمەن ءبولىسىپ, قاتىسۋشىلارعا كاسىپتى قالاي باستاۋ كەرەكتىگىن ەگجەي-تەگجەيلى بايانداپ بەردى.
«جۇمىسپەن قامتۋ ورتالىعى ارقىلى بەرىلەتىن گرانت الۋشىلارعا وسى جوبانى ەنگىزىپ, حالىقتىڭ الەۋمەتتىك جاعدايىن جاقسارتۋعا جانە وبلىس دەڭگەيىندە پيلوتتىق جوبا رەتىندە جۇزەگە اسىرۋدى ۇسىنامىز», دەيدى اۋداندىق كاسىپكەرلىك ءبولىمىنىڭ باسشىسى فاتيما قايىمقىزى.
بۇگىندە بيوگۋمۋسقا قاجەتتى شيكىزات اۋىل تۇرعىندارىنىڭ اۋلاسىنان كوپتەپ تابىلادى. ەندى سونى كادەگە جاراتىپ, ءتورت ت ۇلىكتىڭ كوڭىنە شىلاۋشىن قوسىپ, قاراشىرىككە, ياعني, ورگانيكالىق تىڭايتقىشقا اينالدىرۋ ارقىلى ەگىستىك جەردىڭ قۇنارىن ارتتىرۋعا بولادى. جەردىڭ قۇنارلىعى ارتىپ, ول 3 جىلعا ساقتالادى. بۇل ءبىرىنشى كەزەكتە شەتتەن كەلەتىن حيميالىق تىڭايتقىشتارعا تاۋەلدىلىكتى ازايتادى.
قازىرگى تاڭدا اۋدان كولەمىندە 15-كە جۋىق ازامات وسى شارۋاشىلىقپەن اينالىسىپ جاتىر. اۋدان اكىمىنىڭ تاپسىرماسىنا وراي بولاشاقتا بۇل كاسىپ ءتۇرىن بارلىق اۋىل, ەلدى مەكەندەردە جۇزەگە اسىرۋ كوزدەلىپ وتىر.