پەشتيانيدە (سلوۆاكيا) شايبالى حوككەيدەن 2022 جىلعى الەم چەمپيوناتىنىڭ كەزەكتى ماتچى ءوتتى. ءبىرىنشى ديۆيزيوننىڭ «ا» توبىندا قازاقستان قۇراماسى توپتا سوڭعى ورىندا تۇرعان جاپونيانىڭ جاسوسپىرىمدەر قۇراماسىمەن وينادى, دەپ حابارلايدى Egemen.kz Sports.kz-كە سىلتەمە جاساپ.
ءبىرىنشى كەزەڭدە-اق تايسەتسۋ يۋشيو مەن فۋدجي سۋزۋكي جاپون حوككەيشىلەرىنە باسىمدىقتى ءوز قولدارىنا الۋعا مۇمكىندىك بەرسە, ەكىنشى جيىرما مينۋتتىق كەزەڭدە تەمىرلان قيتاروۆ ەسەپتى مينيمۋمعا دەيىن قىسقارتا ءبىلدى.
سوڭعى كەزەڭنىڭ 41-مينۋتىندا ۆسەۆولود لوگۆين كەزدەسۋدە تارازى باسىن تەڭەستىرسە, 47-مينۋتتا رۋسلا وسپانوۆ قازاقستان قۇراماسىن العا شىعاردى. جاپون حوككەيشىلەرى تارازى باسىن تەڭەستىرگەنىمەن, نۇرلان الديار ءوز كومانداسىنىڭ ءتورتىنشى گولىن سوعىپ, ۇلتتىق قۇراما 4:3 ەسەبىمەن جەڭىسكە جەتتى.
ەستەرىڭىزگە سالا كەتەيىك, سوڭعى ويىندا قازاقستان دانيانى 4:2 ەسەبىمەن جەڭگەن ەدى, قازىر كوماندانىڭ قورجىنىندا التى ۇپاي بار.