اتىراۋ وبلىسىنا قاراستى قىزىلقوعا اۋدانىندا توتەنشە جاعداي جاريالاندى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
ميالى اۋىلىنىڭ باتىسىندا جەر بەدەرى بيىكتەتىلىپ, قورعانىس بوگەتتەرى كۇشەيتىلگەن.
ويىل وزەنىنىڭ تاسۋىنا بايلانىستى قىزىلقوعا اۋدانىندا توتەنشە جاعداي جاريالاندى. جاعداي وبلىس اكىمىنىڭ جەكە باقىلاۋىندا. بۇل جايىندا ءوڭىر باسشىسى ءوزىنىڭ الەۋمەتتىك جەلىدەگى پاراقشالارىندا جازدى. قازىرگى تاڭدا قورعانىس ماقساتىندا 300 توننا قۇم جانە 500-دەن استام توپىراق تولتىرىلعان قاپتار قويىلدى. وقيعا ورنىندا 3 اۋىر تەحنيكا (2 كاماز, 1 پوگرۋزچيك), 70-تەن اسا اۋىل جاستارىنان توپتاسقان ەرىكتىلەر ءجۇر. توتەنشە جاعدايلار دەپارتامەنتىنىڭ 7 قىزمەتكەرى قاۋپى بار ايماقتاردا كۇشەيتىلگەن كەزەكشىلىكتە تۇر. كەشە اۋىلداعى ۇيلەردى سۋ باسۋدىڭ الدىن الۋ ءۇشىن «ميالى-قاراباۋ-يندەر» اۆتوجولىن جىرۋ تۋرالى شەشىم قابىلداندى. قاۋىپ سەيىلگەننەن كەيىن جول قالپىنا كەلتىرىلەدى.