«قازگيدرومەت» رمك-سى تاراتقان مالىمەتتەرگە قاراعاندا, 15 ءساۋىر كۇنى تسيكلوننىڭ اسەرىنە بايلانىستى ەلىمىزدىڭ وڭتۇستىگىندە, وڭتۇستىك-شىعىسىندا فرونتالدى بولىكتەردىڭ وتۋىنە بايلانىستى جاۋىن جاۋىپ, نايزاعاي وينايدى, دەپ حابارلايدى Egemen.kz.
قازاقستاننىڭ وزگە وڭىرلەرىندەگى كۇن رايىنا انتيتسيكلون جوتاسى اسەر ەتىپ, كۇن اشىق بولادى. رەسپۋبليكا بويىنشا جەل كۇشەيىپ, سولتۇستىك-باتىستا, سولتۇستىكتە تۇمان تۇسەدى.
كۇندىز الماتى وبلىسىنىڭ تاۋلى اۋداندارىندا نايزاعاي ويناپ, وبلىستىڭ سولتۇستىگى مەن شىعىسىندا جەل 18-23 م/س جىلدامدىقپەن سوعادى. كۇندىز جالاڭاشكول اۋدانىندا جەلدىڭ ەكپىنى 28 م/س-قا جەتەدى.
باتىس قازاقستان وبلىسىنىڭ باتىسىندا نايزاعاي ويناپ, وبلىستىڭ سولتۇستىگىندە, شىعىسىندا جەل 15-20 م/س جىلدامدىقپەن ەسەدى.
تۇندە اقتوبە وبلىسىنىڭ سولتۇستىگىندە نايزاعاي ويناپ, وبلىستىڭ سولتۇستىك-باتىسىندا جەل 16 م/س-قا دەيىن كۇشەيەدى.
قوستاناي وبلىسىنىڭ باتىسىنا تۇمان ءتۇسىپ, نايزاعاي وينايدى, كۇندىز وبلىستىڭ شىعىسىندا جەلدىڭ جىلدامدىعى سەكۋندىنا 15-20 مەترگە جەتەدى. قوستاناي وبلىسىنىڭ باتىسىندا, سولتۇستىگىندە تۇمان تۇسەدى, نايزاعاي وينايدى, كۇندىز وبلىستىڭ شىعىسىندا جەل تۇرىپ, جىلدامدىعى سەكۋندىنا 15-20 مەترگە جەتەدى.
تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىك-باتىسىندا تۇمان ءتۇسىپ, كۇندىز سولتۇستىكتە, وبلىستىڭ باتىسىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
شىعىس قازاقستان وبلىسىنىڭ كۇندىز باتىسىندا, ورتالىعىندا, وڭتۇستىگىندە جەلدىڭ جىلدامدىعى سەكۋندىنا 15-20 مەترگە جەتىپ, ەكپىنى 23 م/س-قا دەيىن كۇشەيەدى.
كۇندىز اتىراۋ وبلىسىنىڭ سولتۇستىگىندە, قاراعاندى وبلىسىنىڭ وڭتۇستىك-شىعىسىندا 15-20 م/س جىلدامدىقپەن جەل تۇرادى, تۇندە جانە تاڭەرتەڭ قىزىلوردا وبلىسىنىڭ باتىسىندا نايزاعاي وينايدى.