نۇر-سۇلتان قالاسىندا سانيتارلىق تازالاۋ جۇمىسى كۇشەيتىلگەن رەجيمدە ءجۇرىپ جاتىر, دەپ حابارلايدى Egemen.kz ەلوردا اكىمىنىڭ رەسمي سايتىنا سىلتەمە جاساپ.
استانانىڭ كوممۋنالدىق قىزمەتتەرى قورشاۋلاردى, كوپىرلەردى, ەسكەرتكىشتەردى, تروتۋارلاردى جانە باسقا دا نىسانداردى جۋىپ تازالاپ ءجۇر. ەلوردانىڭ كوممۋنالدىق قىزمەتتەرى كۇن سايىن قالانىڭ ءتورت اۋدانىندا سانيتارلىق تازالاۋ جۇمىستارىن جۇرگىزەدى. ساياباقتار, گۇلزارلار, الاڭدار, اۋلا ايماقتارى قوقىستان تازارتىلادى, تروتۋارلار مەن جولدار, ايالدامالار, قورشاۋلار جانە باسقا دا وسىنداي ورىندار جۋىلىپ تازالانادى, سونداي-اق كوگالداندىرۋعا ەرەكشە كوڭىل بولىنەدى.
تازالاۋ جۇمىسىنا ەكى مىڭعا جۋىق جول قىزمەتكەرى مەن 500-دەن استام ارنايى تەحنيكا جۇمىلدىرىلدى.