جاڭا ۇيىرمە اشىلدى

ۇيىرمەنىڭ اشىلۋىنا تسيفر­لىق دامۋ, يننوۆاتسيالار جانە اەروعارىش ونەركاسىبى مينيسترلىگى دەپارتامەنتتەرىنىڭ ديرەكتورلارى, ۋنيۆەرسيتەت باسشىلىعى جانە IT Prom وداعى, سونداي-اق وتاندىق قوعامداستىقتاردىڭ وكىل­دەرى قاتىستى.

ءتسدياوم ەلەكتروندىق ونەر­­كاسىپتى دامىتۋ دەپار­تا­مەن­تىنىڭ ديرەكتورى جانىبەك مۇحا­مەد­جانوۆ ءوز سوزىندە تەحنيكالىق ءبى­لىم بەرۋدى دامىتۋدىڭ ماڭى­زى­نا توقتالدى.

«كەز كەلگەن سەكتوردىڭ پرو­تسەس­تەرىن تسيفرلاندىرۋ قاجەتتى پروتسەستەردى وڭتايلاندىراتىن جانە اۆتوماتتاندىراتىن جۇيە­لەردى قۇرۋمەن بايلانىستى. ەلەك­ترونيكا كەز كەلگەن جۇيە­نىڭ في­زيكالىق نەگىزى سانالادى. بۇل نەگىزدەردى ءبىلۋ ماڭىزدى. ۋنيۆەرسيتەت جانە باسقا دا ءبىلىم بە­رۋ مەكەمەلەرىنىڭ جانىنان وسىن­داي ۇيىرمەلەر ۇيىم­داس­تىرۋ داعدىلارىن مەكتەپ قابىر­عا­سىنان ۇيرەتۋ كەرەك», دەدى ج.مۇحامەت­جانوۆ.

ەۇۋ پرورەكتورى ەركىن وڭعار­باەۆ اشىلعان ۇيىرمە تەحنيكا­لىق ماماندىقتارعا دەگەن سۇرانىس ەسكەرىلگەنىن جەتكىزدى.

«قوعامدا تەحنيكالىق بەيىن­دەگى كادرلارعا دەگەن قاجەتتىلىك ارت­تى. مەملەكەت باسشىسى كاسىپ­كەر­لەر الدىندا سويلەگەن سوزىندە بولاشاقتا ينجەنەر بولاتىن جاس بۋىندى تاربيەلەۋ جونىندە ايتا كەلىپ, ءىرى بيزنەسكە, كوللەدجدەر مەن ۋنيۆەرسيتەتتەرگە قام­­قورلىق جاساۋدى, ولاردىڭ قام­قور­شىلىق كەڭەستەرىنە كىرۋ­دى, تاجىريبەلىك ساباقتار وتكى­زۋ ءۇشىن زەرتحانالار مەن شەبەرحانالاردى جابدىقتاۋدى ۇسىندى. كاسىپكەرلەرىمىزدىڭ الەۋمەتتىك جاۋاپكەرشىلىك تانىتىپ وتىرعانى قۋانتادى. بۇگىنگى اشى­لىپ وتىرعان ۇيىرمەنىڭ ماتە­ريالدىق-تەحنيكالىق جاب­دىق­تال­ۋىن «لوگيككوم» كومپانياسى ۇسىندى», دەدى پرورەكتور.

ۇيىمداستىرۋشىلاردىڭ ما­­لىم­دەۋىنشە, اتالعان ۇيىرمە وقۋشىلاردىڭ فيزيكانى, ونىڭ ىشىندە ەلەكترونيكا نەگىزدەرىن, راديو­تەحنيكالىق قۇرىلعىلاردى جانە ولاردى قۇراستىرۋدى وقىتۋداعى زياتكەرلىك-شىعار­ما­شىلىق قابىلەتتەرىن دامىتۋ ءۇشىن وڭتايلى جاعدايلار جاساۋ, سونداي-اق ساباقتا العان ءبىلى­مىن تاجىريبەدە قولدانۋعا كومەك­تە­سۋدى كوزدەيدى.

كۋرس  7-11-سىنىپ وقۋشىلارىنا ارنالعان. وقۋشىلار قاراپايىم سحەمالاردى جيناۋدى ۇيرەنەدى. وقۋ قورىتىندىسى بويىنشا وقۋ­شىلار سەرتيفيكاتتارعا يە بولا­دى.