Aتىراۋ وبلىسى اكىمىنىڭ ورىنباسارى قايرات بەكەنوۆ «رامازان» ساۋدا ورتالىعىندا سانيتارلىق تازالىق بويىنشا رەيد جۇرگىزدى, دەپ جازادى Egemen.kz اتىراۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
شارا بارىسىندا ورتالىق اكىمشىسىنە ساۋدا نىسانىنىڭ سىرتقى كەلبەتى مەن اباتتاندىرۋ جۇمىستارىنا, دۇكەندەردىڭ اتاۋى كورسەتىلگەن تاقتايشالاردىڭ بوياۋى كەتىپ جانە ىستەن شىققان جارىق شامدارعا قاتىستى ەسكەرتۋ جاسالدى.
«وبلىس اكىمى سەرىك شاپكەنوۆتىڭ تاپسىرماسىنا سايكەس وبلىسىمىزدىڭ قالا جانە بارلىق اۋدانىندا 16 مامىرعا دەيىن ايلىق سانيتارلىق تازالىق جۇمىستارى باستالىپ كەتتى. ءار قالا, اۋدانداردا ارنايى قۇرىلعان شتاب بار. مىسالى, اتىراۋ قالاسى بويىنشا 10 اۋماققا بولىنگەن. بەكىتىلگەن ەرەجەگە سايكەس بارلىق نىسان يەلەرى تيەسىلى عيماراتتى كۇتىپ ۇستاۋى قاجەت. ەستەتيكالىق تۇرعىدا تازالىق جاعىنا جانە اينالاسىنداعى اباتتاندىرۋ جۇمىستارىنا ءمان بەرىلۋى كەرەك», دەدى بەكەنوۆ.
سانيتارلىق تازالىق جۇمىستارىنا قاتىستى قۇرىلعان شتاب قۇرامىندا اكىمدىك جانە پوليتسيا قىزمەتكەرلەرى بار. تەكسەرۋ جۇمىستارى بارىسىندا نىسان يەلەرىنە انىقتالعان كەمشىلىكتەرگە بايلانىستى ەسكەرتۋ قاعازدارى بەرىلدى.
«كەمشىلىكتەر ەرەجەگە سايكەس, بەلگىلى ءبىر كۇن ارالىعىندا جويىلماسا نەمەسە ورىندالماسا اكىمشىلىك جاۋاپكەرشىلىككە تارتىلاتىندىعىن ەسكەرتەمىز. سونىمەن قاتار تۇرعىندارعا, ءاربىر نىسان يەلەرىنە وزدەرىنە تيەسىلى عيماراتتاردى كۇتىپ ۇستاۋعا جانە قالانىڭ كوركەيۋىنە ءوز ۇلەسىمىزدى قوسۋعا شاقىرامىن», دەدى وبلىس اكىمىنىڭ ورىنباسارى.