پرەزيدەنت قاسىم-جومارت توقاەۆ ساياسي رەفورمالاردى ۇسىنعان كەزدە ەڭ نەگىزگى ماسەلە ءبىزدىڭ ارقايسىمىزدىڭ سانامىز جاڭعىرۋ قاجەتتىگىن ايتتى. ويتكەنى ساياسي رەفورما دەگەنىمىز ول تەك بەلگىلى ءبىر زاڭدارعا وزگەرىس ەنگىزۋ نەمەسە بەلگىلى ءبىر نورماتيۆتىك-قۇقىقتىق جاڭا ءبىر بازانى قالىپتاستىرۋ ەمەس.
ساياسي رەفورما دەگەنىمىز – ەڭ ءبىرىنشى ەلىمىزدەگى ساياسي پروتسەستەردى جاڭارتۋ جانە جاڭعىرتۋ دەگەن ءسوز. ساياسي پروتسەستەردى جاڭارتۋ ول ءبىزدىڭ ارقايسىمىزدىڭ سانامىزعا بايلانىستى. سوندىقتان بۇگىنگى تاڭداعى ەڭ باستى ماسەلە حالىق پەن قوعامنىڭ, بيلىك پەن حالىقتىڭ اراسىندا ديالوگ قۇرا وتىرىپ, ازاماتتارىمىزدىڭ ارقايسىسىنىڭ ساياسي الەۋەتىن ارتتىرا وتىرىپ ساياسي مادەنيەتتى قالىپتاستىرۋ بولىپ تابىلادى. 30 جىلدىڭ ىشىندە, وكىنىشكە قاراي, تاۋەلسىز مەملەكەت قۇرامىز دەپ, ءوزىمىزدىڭ حالقىمىزدان ءوزىنىڭ بيلىگىن تارتىپ الدىق. بەلگىلى ءبىر شەشىمدەر قابىلداناتىن بولسا, ونىڭ بارلىعى حالىقپەن كەلىسىلمەيتىن بولدى. 30 جىلدىڭ ىشىندە ەكونوميكامىزدى رەفورمالايمىز دەپ ەكونوميكالىق كوپتەگەن اكتيۆتەر شەتەلگە كەتىپ قالدى. ساياسي رەفورمالاردىڭ ساياسي اسپەكتىسى بۇگىنگى تاڭدا – الەۋمەتتىك ادىلەتتىلىك. ياعني حالىققا ءوزىنىڭ بيلىگىن قايتارىپ بەرۋ كەرەك. پرەزيدەنتتىڭ جولداۋدا ايتىپ وتىرعانى – ەگەر ازاماتتار پارتيا قۇرامىز دەيتىن بولسا, وعان قۇقىلى جانە پارتيا قۇرۋعا ەشكىم قارسىلىق كورسەتپەۋى كەرەك. بۇل – ءبىرىنشى. ەكىنشى, ايماقتاردا ساياسي پارتياعا كىرمەيتىن, بىراق ساياسي پروتسەستەرگە ارالاسقىسى كەلەتىن ازاماتتار بار. مىنە, وسى ازاماتتارعا ساياساتقا ارالاسۋعا قۇقىق بەرۋ كەرەك.
ەرلان سايىروۆ,
ءماجىلىس دەپۋتاتى