ەل پرەزيدەنتى قاسىم-جومارت توقاەۆتىڭ بيىلعى جولداۋىندا ايتىلعان جاڭا ساياسي رەفورمالار ساياسي ترانسفورماتسيانىڭ لوگيكالىق جالعاسى بولىپ سانالادى. ال ساياسي رەفورما – جولداۋ اياسىندا قويىلعان باستى تالاپ.
بۇل جولداۋدىڭ جەرگىلىكتى حالىققا, جالپى, بەلسەندى ازاماتتار, ۇكىمەتتىك ەمەس ۇيىمدار, جالپى ازاماتتارعا تيگىزەتىن پايداسى قانداي؟ بۇدان شىعاتىن ناتيجە قانداي؟ وسىنداي سۇراقتارعا كەلەتىن بولساق, سايلاۋ جۇيەسىن وزگەرتۋ جانە ساياسي پارتيالارعا بايلانىستى ءبىرشاما باستامالاردى مىسالعا كەلتىرۋگە بولادى. ماسەلەن, بۇعان دەيىن وبلىس اكىمى, وبلىس اكىمىنىڭ ورىنباسارى پارتيا فيليالدارىنىڭ باسشىسى بولاتىن بولسا, ەندى زاڭدى تۇردە پارتيا فيليالىنىڭ باسشىسى بولا المايدى. وبلىس اكىمى مەن ورىنباسارى ەندى ماسليحاتپەن تەپە-تەڭ جۇمىس ىستەيتىن بولادى. بۇل وزگەرىس ەكىنشى جاعىنان جاڭا ساياسي پارتيالاردىڭ پايدا بولۋىنا العىشارتتار جاسايدى. جولداۋدا ايتىلعان تاعى ءبىر ماڭىزدى ماسەلە – قوعامدىق كەڭەستەردىڭ جۇمىستارىن قايتا قۇرۋ. قوعامدىق كەڭەستەردىڭ قۇرىلۋىنىڭ باستى ماسەلەسى قازىرگى مەملەكەتتىك ورگاندار بولسىن, ءماسليحات بولسىن, باسقا دا ۇيىمداردا بيۋدجەتتىڭ اشىقتىعىنا ءوزىنىڭ سەپتىگىن تيگىزۋ بولىپ سانالادى.
قازبەك مايگەلدينوۆ,
قازاقستاندىق قوعامدىق دامۋ ينستيتۋتىنىڭ باسقارما توراعاسى