قر اۋىل شارۋاشىلىعى مينيسترلىگىنە قاراستى اگرارلىق ازىق-ت ۇلىك نارىعى جانە اۋىل شارۋاشىلىعى ونىمدەرىن قايتا وڭدەۋ دەپارتامەنتىنىڭ ديرەكتورى نازگۇل حاتەپوۆا ەلدەگى قىرىققابات باعاسىنىڭ ءوسۋ سەبەپتەرىن اتادى, دەپ حابارلايدى Egemen.kz.
«بۇگىنگى تاڭدا رەسپۋبليكا بويىنشا قىرىققابات قورى 20 مىڭ توننانى قۇرايدى. بۇل كولەم الداعى ۋاقىتتا تۇركىستان وبلىسىندا كۇتىلىپ وتىرعان ەرتە قىرىققاباتتى جيناۋ باستالعانعا دەيىن ىشكى قاجەتتىلىكتى قامتاماسىز ەتۋ ءۇشىن جەتكىلىكتى. بيىل ەرتە قىرىققابات القابى 8 مىڭ گەكتاردى قۇرادى, بۇل شامامەن 170 مىڭ توننا قىرىققابات جينالاتىنىن بىلدىرەدى. بۇل كولەمدەر ىشكى نارىقتى جابۋ ءۇشىن دە, بەلگىلى ءبىر كولەمدەردى نارىقتارعا ەكسپورتتاۋ ءۇشىن دە جەتكىلىكتى», دەدى قر اشم اگروازىق-ت ۇلىك نارىعى جانە اۋىل شارۋاشىلىعى ونىمدەرىن قايتا وڭدەۋ دەپارتامەنتىنىڭ ديرەكتورى نازگۇل حاتەپوۆا.
ونىڭ ايتۋىنشا, وبلىس اكىمدىكتەرى تۇركىستان وبلىسىنىڭ فەرمەرلەرىمەن وڭىرلەرگە 3,5 مىڭ توننا قىرىققابات جەتكىزۋ تۋرالى كەلىسىمشارتتار جاساعان.
سونىمەن قاتار دەپارتامەنت ديرەكتورى اتاپ وتكەندەي, ماۋسىمارالىق كەزەڭدە, ياعني جىل باسىندا كوكونىستەر باعاسىنىڭ ءوسۋى ءداستۇرلى تۇردە بايقالادى.
«باعانىڭ ءوسۋى بولدى, بىراق قىرىققابات ىشكى نارىققا ەرتە تۇسكەن ساتتەن باستاپ باعا تۇراقتانادى دەپ كۇتەمىز. جالپى, قازىرگى ۋاقىتتا ىشكى نارىقتا قىرىققابات تاپشىلىعى بايقالمايدى», دەدى نازگۇل حاتەپوۆا.