تەننيستەن مونتە-كارلودا ءوتىپ جاتقان جۇلدە قورى 5 415 410 ەۋرونى قۇرايتىن ATP Masters 1000 ءتۋرنيرىنىڭ ءبىرىنشى كەزەڭى ءوز مارەسىنە جەتتى.
ەلىمىزدىڭ ەڭ ۇزدىك ويىنشىسى الەكساندر بۋبليك تۇساۋكەسەر كەزدەسۋىندە ستەن ۆاۆرينكامەن كۇش سىناستى. 37 جاستاعى شۆەيتساريالىق تەننيسشىنىڭ اتاعى الىسقا جايىلعانى بارشا جانكۇيەرگە ءمالىم. كەزىندە ول اقش پەن اۋستراليانىڭ اشىق بىرىنشىلىكتەرى مەن رولان گارروستا باس جۇلدەنى ولجالاپ, جۇپتىق سايىستا بەيجىڭ وليمپياداسىنىڭ جەڭىمپازى اتاندى. 16 مارتە اتر تۋرنيرلەرىندە توپ جارىپ, الەمنىڭ ءۇشىنشى راكەتكاسى اتاندى. دەسەك تە ازۋلى قارسىلاسىنان بۋبليك ەش قايمىققان جوق. العاشقى سەتتە 3:6 ەسەبىمەن ەسە جىبەرگەن جەرلەسىمىز قالعان ەكەۋىن ءوز پايداسىنا شەشتى – 7:5, 6:2. ەكىنشى كەزەڭدە ول اتر تىزىمىندە 19-ورىندا تۇرعان يسپانيانىڭ وكىلى پابلو كاررەنو بۋستامەن شەبەرلىك بايقاسادى.