كۇندەلىكتى ومىردە ادامنىڭ كۇيبەڭ تىرشىلىگى استە تاۋسىلعان با؟ ۇستىمىزدەگى جىلعى ناۋرىز ايىنىڭ ورتاسىندا الدەبىر شارۋانىڭ ىڭعايىمەن «تۇركىستان وبلىسىنىڭ قوعامدىق-ساياسي تاريحىنىڭ مەملەكەتتىك ءارحيۆى» كوممۋنالدىق مەملەكەتتىك مەكەمەسىنە جولىمىز تۇسكەن ەدى. قابىلداۋ بولمەسىندەگى حاتشى قىزعا كەلگەن شارۋامىزدى ايتىپ, باسشىنىڭ قابىلداۋىنا سۇراندىق. وبالى نە كەرەك, كوپ كۇتتىرمەدى.
ء«تۇسى يگىدەن تۇڭىلمە» دەگەندەي, گۇلنار سادىبەكقىزى ءيمانجۇزدى جان ەكەن, ىزەت كورسەتىپ, ورىندىق نۇسقادى. جۇمىسىمدى ايتقان سوڭ, ىلە تەلەفون تۇتقاسىن كوتەرىپ, قاراماعىنداعى ارحيۆاريۋس قىزعا تاپسىرما بەردى. وسىلايشا, مىڭ بولعىر گۇلناردىڭ قولىمىزعا كۋالاندىرىلعان ارحيۆ قۇجاتتارىنىڭ كوشىرمەلەرىن ساتىمەن ۇستاتا قويعانى. شارۋانى ءاپ-ساتتە ءبىتىرىپ بەرگەن باسشىنىڭ ىسكەرلىگى مەن ىزەتتىلىگىنە ريزا بولىپ, العىسىمىزدى ايتىپ, جونىمىزگە كەتتىك.
ۇلكەن قىزمەتتىڭ تىزگىنىن ۇستاپ وتىرعان باسشىنىڭ قاراپايىم, كىشىپەيىل بولعانىنا نە جەتسىن. گۇلنار سادىبەكقىزى شارداربەكوۆا وسىنداي جان ەكەن. ماماندىعى تاريحشى, تىندىرىمدى دا يبالى قارىنداسىمىزدىڭ ۇستازدىعىنا وراي, شىمكەنتتەگى وقۋ ورىندارىنىڭ بىرىندە ستۋدەنتتەرگە ءبىر مەزگىل ءدارىس وقيتىنىن دا ەستىپ, بىلدىك.
قارتتاردى سىيلاي بىلەتىن ىزەتتى جانعا دەگەن العىسىمىز شەكسىز. كوسەگەسى كوگەرىپ, جاماندىق كورمەسىن.
كارىباي امزە ۇلى,
زەينەتكەر
تۇركىستان وبلىسى