پاۆلودارلىق تۇرعىن جەرتولەدە قارۋ جاسىرعان

Pavlodarnews.kz سايتىنىڭ مالىمەتىنشە, ءتارتىپ ساقشىلارى اققۋلى اۋدانىنىڭ شارباقتى اۋىلىنا كىرە بەرىستە پاۆلودار قالاسىنىڭ 37 جاستاعى تۇرعىنىن توقتاتقان. 

-  تەكسەرۋ كەزىندە ونىڭ سپورتتىق سومكەسىنەن «يج-54» ماركالى تەگىس ۇڭعىلى ەكى ۇڭعىلى قارۋدىڭ كەسىندىسى تابىلعان. ەر ادام شارباقتى اۋىلىنىڭ قاراۋسىز قالعان عيماراتىنىڭ جەرتولەسىندە قارۋ ۇستاعانىن ءتۇسىندىردى, - دەپ حابارلادى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.

«قارۋ» جەدەل الدىن الۋ ءىس-شاراسى بارىسىندا پوليتسەيلەر زاڭسىز اينالىمنان 76 بىرلىك قارۋ الدى, ونىڭ ىشىندە: تەگىس ۇڭعىلى - 44 (ونىڭ ىشىندە 10 كەسىندى), ويىق ۇڭعىلى – 4, ەلەكترلىك – 12, گازدى – 14, تراۆماتيكالىق – 2, ءتورت گراناتا جانە 104 دانا پاترون.