وتكەن اپتادا الماتىدا ءجىتى رەسپيراتورلىق ۆيرۋستى ينفەكتسيانىڭ 3099 جاعدايى تىركەلدى, بۇل ناۋرىز ايىنىڭ سوڭىمەن سالىستىرعاندا 3,76 پايىزعا تومەن, دەپ حابارلايدى Egemen.kz قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتىنە سىلتەمە جاساپ.
ءجىتى رەسپيراتورلىق ۆيرۋستى ينفەكتسيانى جۇقتىرعانداردىڭ 66,9 پايىزى بالالار. اۋرۋحاناعا بارلىعى 286 ناۋقاس جاتقىزىلدى, ونىڭ ىشىندە 11-ءى جۇكتى ايەل, 89-ى ءبىر جاسقا دەيىنگى نارەستە.
«ەپيدەميولوگيالىق ماۋسىم باستالعالى تۇماۋدىڭ 51 جاعدايى تىركەلدى. سونىمەن قاتار قالادا رەسپيراتورلىق سينتسيتيالدى ۆيرۋس, ادەنوۆيرۋس, رينوۆيرۋس جانە كوروناۆيرۋس سياقتى تۇماۋعا جاتپايتىن باسقا جرۆي ۆيرۋستارى انىقتالدى», دەپ حابارلادى ۆەدومستۆادان.
2021 جىلى جەرگىلىكتى اكىمشىلىكتىڭ قاراجاتىنا ەرەكشە توپتاعى ادامداردى تۇماۋعا قارسى ەگۋگە 170 926 دوزا «گريپپول پليۋس» ۆاكتسيناسى ساتىپ الىندى.
ەسكە سالايىق, 15 قىركۇيەكتە باستالعان تۇماۋعا قارسى ۆاكتسينانى 184 مىڭنان استام ادام العان. ونىڭ ىشىندە جەكەمەنشىك مەديتسينالىق ورتالىقتاردا جۇمىس بەرۋشىلەر ەسەبىنەن 10 260 ادام, ءوز قاراجاتى ەسەبىنەن 2 973 ادام ەگىلدى.