چەمپيوندار انىقتالدى

جارىستىڭ باس جۇلدەسى ءۇشىن ەلوردالىق كيريلل گەراسيمەنكو مەن قاراعاندىلىق الان قۇرمانعاليەۆ تالاستى. بۇل ويىن­شىلاردىڭ ەكەۋىنىڭ دە باعىندىرعان بەلەس­تەرى وتە كوپ. اتاپ ايتساق, 25 جاستاعى كيريلل ەلىمىزدىڭ بىرنەشە دۇركىن چەمپيونى, بىرقاتار حالىقارالىق ءتۋرنيردىڭ جە­ڭىمپازى, ريو وليمپياداسىنا قاتىسۋشى. الەمدىك رەيتينگتە ول 37-ورىندا تۇر. 15 جاستاعى الاننىڭ دا قول جەتكىزگەن تابىس­تارى جەتەرلىك. قاراعاندىنىڭ تۋماسى ءوز قاتارلاستارى اراسىندا تالاي ءدۇبىرلى دودادا دارالانىپ, دۇنيەجۇزىلىك رەيتينگتە كوش باستادى. قوس مىقتىنىڭ سايىسى تاجىريبەلى گەراسيمەنكونىڭ پايداسىنا شەشىلدى. قۇرمانعاليەۆ كۇمىس السا, شىمكەنتتىك يريسبەك ارتۋكمەتوۆ پەن تارازدىق ەسكەندىر حاركي قولا مەدالدى مويىندارىنا ءىلدى.

قىزدار اراسىنداعى باسەكەلەردە قارا­­عاندىلىق زاۋرەش اقاشەۆاعا تەڭ كەلەر ەشكىم تابىلمادى. فينالدا ول شىم­كەنت­تىك سارۆينوز مىر­قادىروۆادان باسىم ءتۇستى. ەرلەردىڭ جۇپ­تىق سايىسىندا الان قۇر­مانعاليەۆ پەن ەريك رەيتەر وزسا, قىز­دار تار­تىسىندا زاۋرەش اقاشەۆا مەن سار­ۆينوز مىرقادىروۆا دارا شىقتى. ارالاس جۇپتاردىڭ جارىسىندا ەريك رەيتەر مەن اناستاسيا لاۆروۆانىڭ اسىعى الشىسىنان ءتۇستى.