پاۆلودار وبلىسى قالقامان اۋىلىندا 14 جاستاعى ءجاسوسپىرىم ون مەتردەي بيىكتەن قۇلاپ كەتتى. ونىڭ جاعدايى تۋرالى وبلىستىڭ دەنساۋلىق ساقتاۋ باسقارماسى ايتتى, دەپ حابارلايدى Egemen.kz.
زارداپ شەگۋشى وتولارينگولوگيالىق بولىمشەگە (پروفيل – جاق-بەت حيرۋرگياسى) جاتقىزىلدى.
«ناۋقاس «باس ميىنىڭ جابىق جاراقاتى, ميدىڭ شايقالۋى, ىعىسۋمەن تومەنگى جاق سۇيەگىنىڭ سىنۋى, وڭ جاقتاعى پاراوربيتالدى گەماتوما» دياگنوزىمەن ءتۇستى. سونىمەن قاتار جاسوسپىرىمدە سول جاق راديۋستىڭ جابىق ەپيفيزيوليزى (دەسترۋكتسيا - شامامەن رەد.) بار. دەنەنىڭ جانە اياق-قولدىڭ كوگەرۋى مەن سىدىرىلۋى دا بايقالدى», دەلىنگەن حابارلامادا.
دارىگەرلەر ناۋقاسقا بىرنەشە وتا جاساتۋدى جوسپارلاپ وتىر.
«بۇگىندە بالانىڭ جاعدايى ورتاشا اۋىر. ول قاجەتتى ەم الادى, حيرۋرگيالىق ەمدەۋ بىرنەشە كەزەڭدە جوسپارلانادى», دەيدى دارىگەرلەر.
وقيعا 9 ءساۋىر كۇنى كەشكە قالقامان اۋىلىنداعى قاراۋسىز قالعان عيماراتتىڭ اۋماعىندا بولعان. 2008 جىلى تۋعان كامەلەتكە تولماعان بالا ون مەتردەي بيىكتەن قۇلاپ, بىرنەشە دەنە جاراقاتىن الىپ, اۋرۋحاناعا جەتكىزىلدى.