الماتىدا قالا اكىمى ەربولات دوساەۆتىڭ قاتىسۋىمەن جالپىقالالىق سەنبىلىك ءوتتى. اۋلالاردى, ساياباقتار مەن سكۆەرلەردى, سۋ قويمالارىنىڭ جاعالاۋلارىن تازالاۋعا 60 مىڭنان استام تۇرعىن قاتىستى, دەپ حابارلايدى Egemen.kz الماتى قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
ەكولوگيالىق اكتسيا بارىسىندا ساق قورعاندارىنىڭ اۋماعىندا, الاتاۋ اۋدانىنىڭ قاراعايلى ورمانىندا, سايران كولى مەن قارعالى وزەنىنىڭ جاعاسىندا جاپپاي اعاش وتىرعىزۋ جۇرگىزىلدى. بارلىعى 5 مىڭنان استام اعاش وتىرعىزىلعان.
سەنبىلىك كەزىندە قالانىڭ ەستەتيكالىق ءتۇرىن جاقسارتۋ بويىنشا جۇمىستار جۇرگىزىلدى: تۋرنيكەتتەر, تىرەكتەر, ورىندىقتار, ۋرنالار سىرلاندى.
قوقىستى شىعارۋ ءۇشىن قالانىڭ كوممۋنالدىق قىزمەتتەرى مەن كاسىپورىندارىنىڭ 502 بىرلىك ارنايى تەحنيكاسى تارتىلدى. قالا تۇرعىندارى بارلىعى 10 910 تەكشە مەتر قوقىس جيناعان.