تۇركيا سوتى ينتەرنەتكە قويىلعان شەكتەۋلەردىڭ ءبىرازىن الىپ تاستادى

تۇركيا سوتى Youtube  سايتىنا قويىلعان شەكتەۋدى الىپ تاستادى, دەپ حابارلايدى يتار-تاسس اگەنتتىگى. سوت سايتقا تولىق شەكتەۋ قويۋ جونىندەگى شەشىمىن قايتا قاراپ شىعىپ, ونى الىپ تاستاۋعا شەشىم قابىلدادى. دەگەنمەن, بەلگىلى بەينەماتەريالدارعا شەكتەۋ سول كۇيىندە قالا بەرمەك. سوت سايتقا تولىق شەكتەۋ قويۋ كونستيتۋتسيانىڭ 26-شى بابىمەن قورعالاتىن ءسوز بوستاندىعىنا نۇقسان كەلتىرەتىنىن مالىمدەدى. سوت شەشىمىندە جەرگىلىكتى پروۆايدەرلەرمەن شەكتەۋ قويىلعان 15 بەينەماتەريالعا تىكەلەي سىلتەمە جاسالعان. بۇل بەينەجازبالار تۇرىك اسكەرىنىڭ سيريا اۋماعىنا كىرگىزىلۋى ءسوز بولعان تۇركيا باسشىلىعىنىڭ قۇپيا جينالىسىنان الىنعان كورىنەدى. سونىمەن قاتار, 3 ساۋىردە تۇركيانىڭ كونستيتۋتسيالىق سوتى Twitter الەۋمەتتىك جەلىسىنە قويىلعان شەكتەۋدى زاڭسىز دەپ تانىپ, بۇل ارەكەتتىڭ ءسوز بوستاندىعى مەن ادام قۇقىقتارىنا قاراما-قايشى كەلەتىنىن جەتكىزدى. وسىعان بايلانىستى تۇركيا ۇكىمەتى Twitter الەۋمەتتىك جەلىسىنە قويىلعان شەكتەۋدى دە الىپ تاستاعان بولاتىن. ايدار ورىسباەۆ. دەرەككوز: Itar-tass.com. فوتو: Dw.de.