الەۋمەتتىك جەلىلەرگە مونيتورينگ جۇرگىزۋ بارىسىندا مەدەۋ اۋدانى, وبسەرۆاتوريا كوشەسى, 5ا مەكەنجايى بويىنشا الما باقتارىن كەسۋ دەرەگى انىقتالدى, دەپ حابارلايدى Egemen.kz الماتى اكىمدىگىنىڭ ءباسپاسوز قىزمەتىنە سىلتەمە جاساپ.
الماتى قالاسى جاسىل ەكونوميكا باسقارماسىنىڭ قىزمەتكەرلەرى مەدەۋ اۋداندىق پوليتسيا باسقارماسىمەن, سونداي-اق مامانداندىرىلعان تابيعات قورعاۋ پروكۋراتۋراسىمەن بىرلەسىپ, جەدەل تۇردە وقيعا ورنىنا بارعان.
«تەكسەرۋگە بارعان كەزدە 21 الما اعاشى كەسىلگەنى راستالدى. وسى وقيعاعا قاتىستى تەكسەرۋ اكتىسى جاسالىپ, 500 اەك شىعىن ەسەپتەلىپ, ءتيىستى شارالار قابىلداۋ ءۇشىن پوليتسيا دەپارتامەنتىنە حات جولداندى», دەپ جازىلعانن حابارلامادا.
مەدەۋ اۋداندىق انىقتاۋ ءبولىمى قر قك 340-بابى بويىنشا «اعاشتار مەن بۇتالاردى زاڭسىز كەسۋ, جويۋ نەمەسە ءبۇلدىرۋ» بويىنشا قىلمىستىق ءىس قوزعادى.قوزعالعان ءىس بويىنشا كىناسىن تولىق مويىنداعان كەزدە تابيعاتتى قورعاۋ قاعيدالارى بويىنشا 1050 اعاش كولەمىندە وتىرعىزۋ كوزدەلگەن.