الماتى وبلىسىندا قاڭتارداعى جاپپاي تارتىپسىزدىك كەزىندە ۇرلانعان كەزەكتى اسكەري ارسەنال تابىلدى, دەپ حابارلايدى Egemen.kz.
وبلىستىق پوليتسيا دەپارتامەنتى حابارلاعانداي, تالعار اۋدانىندا قارۋ-جاراق پەن وق-دارىلەر تابىلدى.
«جاۋىنگەرلىك ارسەنال سومكەلەر مەن پوليەتيلەن پاكەتتەرگە ورانعان. قارۋ-جاراق 5 ساۋىردە رىسقۇلوۆ كەنتىنىڭ ماڭىنداعى الاڭنان تابىلدى. سومكەدە Browning مىلتىعى, 10 كوزدەن جاس اعىزاتىن جانە شۋلى گراناتالار, دەنە ساۋىتى, ءارتۇرلى كاليبرلى قارۋعا تيەسىلى 7,62 مم جانە 9 مم 100 پاترون تابىلدى», دەلىنگەن الماتى وبلىسى پد ءباسپاسوز قىزمەتىنىڭ حابارلاماسىندا.