«KEGOC» اكتسيونەرلىك قوعامىنا قر تابيعي مونوپوليالار تۋرالى زاڭناماسىنىڭ تالاپتارىن بۇزعانى ءۇشىن 4 900 800 تەڭگە كولەمىندە اكىمشىلىك ايىپپۇل سالىنۋى مۇمكىن, دەپ حابارلايدى Egemen.kz قر ۇەم تابيعي مونوپوليالاردى رەتتەۋ كوميتەتىنىڭ ءباسپاسوز قىزمەتىنە سىلتەمە جاساپ.
تابيعي مونوپوليالاردى رەتتەۋ كوميتەتى قۇبىر ونىمدەرىن ءوندىرۋ جونىندەگى زاۋىتتىڭ ءوتىنىشى نەگىزىندە, «KEGOC» اق-نا قاتىستى جوسپاردان تىس تەكسەرۋ جۇرگىزگەن. تەكسەرۋ قورىتىندىسى بويىنشا تۇتىنۋشىلاردىڭ رەتتەلىپ كورسەتىلەتىن قىزمەتكە قولجەتىمدىلىگى بولىگىندە قر تابيعي مونوپوليالار تۋرالى زاڭناماسى تالاپتارىنىڭ بۇزىلۋى انىقتالدى.
«KEGOC» اق-نا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 164-بابىنىڭ 4-ءشى بولىگى بويىنشا اكىمشىلىك قۇقىق بۇزۋشىلىق تۋرالى حاتتاما تولتىرىلدى, ول سۋبەكتىنىڭ ءوتىنىشى بويىنشا سوتتىڭ قاراۋىنا بەرىلدى.
«اكىمشىلىك ءىس تمرك پايداسىنا قارالعان جاعدايدا, «KEGOC» اق-نا 4 900 800 تەڭگە كولەمىندە اكىمشىلىك ايىپپۇل سالىنادى», دەلىنگەن حابارلامادا.