تاسقىن سالدارىنان قوستاناي وبلىسىنداعى قابىرعا اۋىلىنا قاتىناس ءۇزىلدى دەپ حابارلادى Egemen.kz Qazaqstan تەلەارناسىنا سىلتەمە جاساپ.
اۋدان ورتالىعىنان 64 شاقىرىم قاشىقتاعى ەلدى مەكەندە 300-گە جۋىق تۇرعىن بار.
ەرىگەن قار سۋى كۇرە جولدى بىرنەشە جەردەن بۇزعان. كەي جەردە جايىلىپ, تاس جولدىڭ ۇستىنە شىعىپ كەتكەن. اۋىل اكىمىنىڭ ايتۋىنشا, ءتىپتى اۋىر تەحنيكانىڭ ءوزى وتە المايدى. تاسقىن سۋ العاش رەت جولدى 2017 جىلى بۇزعان. بىراق ودان كەيىن سۋاعار قۇبىرلار ورنىنا قويىلماعان, جول جوندەلمەگەن. تۇرعىنداردىڭ ايتۋىنشا, مۇنداي جاعداي كوكتەم سايىن قايتالانادى. قاتىناستىڭ قاشان قالپىنا كەلەرى بەلگىسىز.