پاراجۇزۋدەن قازاقستاندىق سپورتشى الينا سينەلنيكوۆا ازيا رەكوردىن ورناتتى. الەم كۋبوگى كەزەڭىندە ول كۇمىس جۇلدەنى يەلەندى, دەپ حابارلادى Egemen.kz اقمولا وبلىسى دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساپ.
اقمولا وبلىسىنىڭ سپورتشىسى, «مەرگەن» فيزيكالىق مۇمكىندىكتەرى شەكتەۋلى ادامدارعا ارنالعان سپورت كلۋبىنىڭ تاربيەلەنۋشىسى الينا سينەلنيكوۆا 400 مەتر قاشىقتىققا ەركىن جۇزۋدەن كۇمىس جۇلدەنى يەلەندى. 200 مەترگە كەۋدەمەن جۇزۋدە الينا 3.20.54 ناتيجەسىمەن ازيا رەكوردىن ورناتتى.
الينانىڭ جاتتىقتىرۋشىسى دجاننا زايتسەۆا مەن اننا سيمونينا قازاقستاندىق سپورتشى ەلىمىزدىڭ حالىقارالىق دارەجەدەگى سپورت شەبەرىنىڭ سپورت رازريادىن ورىنداعانىن ايتتى. ءساۋىر ايىنىڭ باسىندا بەرليندە پاراجۇزۋدەن جارىس ءوتىپ, وندا 47 ەلدەن 300-دەن استام سپورتشى باق سىنادى. سپورتشىلار پورتۋگالياداعى الەم چەمپيوناتى مەن بيىل كۇزدە قىتايدا وتەتىن ازيا پاراويىندارىنا جولداما الۋ ءۇشىن تالاستى. چەمپيوناتقا قازاقستان اتىنان ءتورت ءپاراجۇزۋشى – ايبەك يسكرا, الينا سينەلنيكوۆا, يۆان ششەپوۆ جانە توكيوداعى پاراليمپيادا ويىندارىنىڭ قولا جۇلدەگەرى نۇرداۋلەت جۇماعالي قاتىستى.بەرليندە قازاقستان پاراسپورتشىلارى بارلىعى 4 كۇمىس جانە 2 قولا مەدالدى جەڭىپ الدى.