وتكەن جىلدىڭ سوڭعى توقسانىندا ەلىمىزدەگى دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنداعى ورتاشا ايلىق جالاقى 246,2 مىڭ تەڭگەنى قۇرادى. بۇل – ءبىر جىل بۇرىنعى جالاقىدان 24,7 پايىزعا جوعارى, دەپ حابارلايدى Egemen.kz.
Ranking.kz سايتىنىڭ مالىمەتىنشە, وڭىرلەر اراسىندا بارىنەن دە ەلوردالىق مامانداردىڭ جالاقىسى جوعارى — 316,9 مىڭ تەڭگە. ءوسىم 12,5 پايىزدى قۇرايدى. جالاقى جوعارى وڭىرلەردىڭ ۇشتىگىنە الماتى قالاسى مەن اتىراۋ وبلىسى كىرەدى.
دەنساۋلىق ساقتاۋ سالاسىنداعى ورتاشا جالاقى 251,5 مىڭ تەڭگە, بۇل ءبىر جىل بۇرىنعى كورسەتكىشتەن 24,1 پايىزعا كوپ.
ونىڭ ىشىندە اۋرۋحانا قىزمەتكەرلەرى ورتاشا 263,1 مىڭ تەڭگە, دارىگەرلىك جانە ستوماتولوگيالىق تاجىريبە قىزمەتكەرلەرى 236,4 مىڭ تەڭگە, دەنساۋلىق ساقتاۋ بويىنشا وزگە دە قىزمەتپەن اينالىسقان قىزمەتكەرلەر 229,3 مىڭ تەڭگە الدى.