بۇگىن قاراعاندىداعى قالا كوشەلەرىنىڭ بىرىندەگى نوسەر ارناسىندا 9 جاسار بالا باتىپ كەتتى, دەپ حابارلايدى Egemen.kz.
«ساعات 15:45-تە «112» پۋلتىنە كۋاگەرلەردەن ويىن كەزىندە بالالاردىڭ ءبىرى اشىق نوسەر كانالىنا باتىپ كەتكەنى تۋرالى حابارلاما كەلىپ ءتۇستى. قايعىلى وقيعا سەروۆ كوشەسىندەگى ءۇيدىڭ جانىندا بولعان», دەپ حابارلادى قاراعاندى وبلىسى تجد ءباسپاسوز قىزمەتى.
شاقىرۋدان ءبىر ساعات وتكەن سوڭ قۇتقارۋشىلار 2012 جىلى تۋعان بالانىڭ دەنەسىن الىپ شىقتى.
وبلىستىق تجد مەن قالالىق اكىمدىكتە بالانىڭ اتا-اناسىنا كوڭىل ايتتى.
«بۇگىن سۇرىپتاۋدا قايعىلى وقيعا ورىن الدى, 9 جاسار بالا ەرىگەن قار سۋىن جيناۋعا ارنالعان نوسەر ارناسىندا قايتىس بولدى. قاراعاندى قالاسىنىڭ اكىمدىگى تۋىستارىنا, جاقىندارىنا شىن جۇرەكتەن كوڭىل ايتادى جانە جەرلەۋدى ۇيىمداستىرۋعا كومەك كورسەتەدى», دەلىنگەن حابارلامادا.