2022 جىلعى 25 ناۋرىزدا ۇقك قارسىبارلاۋ قىزمەتى نۇر-سۇلتان قالاسىندا مەملەكەت باسشىسىنا جانە بىرقاتار جوعارى لاۋازىمدى مەملەكەتتىك قىزمەتكەرلەرگە قاستاندىق جاساۋدى جوسپارلاعان شەتەل بارلاۋ اگەنتى ا. ەسىمدى قر ازاماتىن ۇستادى, دەپ حابارلايدى Egemen.kz قر ۇلتتىق قاۋىپسىزدىك كوميتەتىنە سىلتەمە جاساپ.
ۇستالعان ازامات ارناۋلى جانە قۇقىق قورعاۋ ورگاندارى قىزمەتكەرلەرىنە قاتىستى تەرروريستىك اكتىلەر جاساۋدى جوسپارلاعان.
ءتىنتۋ بارىسىندا شەتەلدە شىعارىلعان دىبىس وشىرگىشى بار سنايپەرلىك ۆينتوۆكا, ەسىرتكى زاتتارى جانە ءىرى اقشا سوماسى تاركىلەندى. قارۋ قازاقستانعا كاسىبي جاسىرىلعان تۇردە بولشەكتەلىنىپ اكەلىنگەن.
بۇدان وزگە, ا. الەۋمەتتىك جەلىلەردە ءتيىستى ماتەريالداردى جاريالاۋ ارقىلى رەسەيگە قارسى ۇندەۋدى ناسيحاتتاۋ جانە قوعامدا رۋسوفوبتىق كوزقاراستاردى تۋدىرۋ تاپسىرمالارىن ورىنداعان.
الدىن الا تەرگەۋ بارىسىندا قر ازاماتى شەتەل مەملەكەتىنىڭ تاپسىرماسى مۇددەسىندە ارەكەت ەتكەنىن مويىندادى.
قازىرگى كەزدە ۇقك قىلمىستىق كودەكستىڭ 24-بابى 1-بولىگى (قىلمىسقا دايىندالۋ جانە قىلمىسقا وقتالۋ) جانە 255-بابى 4-بولىگىندە (تەرروريزم اكتىسى) كوزدەلگەن قىلمىستى جاساۋ فاكتىلەرى بويىنشا تەرگەۋ جۇرگىزۋدە.