الماتى قالاسىنىڭ بوستاندىق اۋدانىندا ستاتيستيكا دەپارتامەنتى عيماراتى بولمەسىنەن ءورت شىقتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى.
وقيعا كەزىندە 40 ادام قاۋىپسىز جەرگە شىعارىلدى. ءتىلسىز جاۋدى سوندىرۋگە الماتى قالاسىنداعى توتەنشە جاعدايلار دەپارتامەنتى ءورت ءسوندىرۋ قىزمەتىنىڭ 14 تەحنيكاسى جانە جەكە قۇرامنىڭ 50 ادامى جۇمىلدىرىلدى. 15 شارشى مەتر اۋماقتى جالىن شارپىعان. قازا بولعاندار مەن زارداپ شەككەندەر جوق.
بىزگە سوڭعى كەلىپ تۇسكەن اقپاراتتا ءورتتىڭ نەدەن بولعانى ءالى بەلگىسىز ەكەنى جازىلعان. سوندىقتان بۇعان قاتىستى قورىتىندىنى كەيىن ايتامىز.
ءامىرحان الماعانبەتوۆ.
دەرەككوز: توتەنشە جاعدايلار مينيسترلىگى.
فوتو: www.Vlast.kz.