فرانتسيا ۇلتتىق قۇراماسىنىڭ شابۋىلشىسى كيليان مباپپە ۇلتتىق قۇراما ساپىندا ەڭ كوپ گول سوققان وتانداسى تەرري ءانريدىڭ رەكوردىن جۋىق ارادا جاڭارتۋعا نيەتتى, دەپ حابارلايدى Egemen.kz.
بۇل تۋرالى فۋتبولشى RMC Sport-قا بەرگەن سۇحباتىندا مالىمدەدى.
«البەتتە, مەن ونىڭ رەكوردىن جاڭالاعىم كەلەدى. مەن كلۋبتىق دەڭگەيدە دە, ۇلتتىق قۇراما دەڭگەيىندە دە ۇزدىك شابۋىلشى بولۋدى ماقسات تۇتقانمىن. سوندىقتان كاسىبي مانسابىمدا ۇلكەن جۇمىستار كۇتىپ تۇر. ازىرگە ءانريدىڭ رەكوردىنا ەشكىم جاقىنداي المادى. الايدا مەن ول رەكوردتى سىزدەر ويلاعان ۋاقىتتان بۇرىن جاڭارتامىن», دەدى ول ءوز سوزىندە.