كونگو دەموكراتيالىق رەسپۋبليكاسىنداعى بۇۇ بىتىمگەرشىلىك ميسسياسىنىڭ سەگىز قىزمەتكەرى پاكىستاندىق تىكۇشاق اپاتىنان قازا تاپتى, دەپ حابارلايدى Egemen.kz Deutsche Welle اگەنتتىگىنە سىلتەمە جاساپ.
كونگو رەسپۋبليكاسىنىڭ قارۋلى كۇشتەرى تىكۇشاقتى كوتەرىلىسشىلەر ەلدىڭ شىعىسىندا اتىپ ءتۇسىردى دەپ مالىمدەدى. سولتۇستىك كيۆۋ پروۆينتسياسىنىڭ اسكەري گۋبەرناتورىنىڭ ءباسپاسوز حاتشىسى سيلۆەن ەكەنگە تىكۇشاقتىڭ M23 توبى باقىلاۋىنداعى ايماققا قۇلاعانىن ايتتى.
بۇۇ بىتىمگەرشىلىك ميسسياسى MONUSCO بىتىمگەرلىك كۇشتەردىڭ سولتۇستىك كيۆۋ پروۆينتسياسىنداعى رۋتشۋرۋدان وڭتۇستىك-شىعىسقا قاراي تسانتسيۋ ۇستىندە بارلاۋ ۇشاعىندا بولعانىن حابارلادى.
«سەگىز ادام قازا تاپتى. ونىڭ التاۋى ەكيپاج مۇشەسى, ولار پاكىستاننان, سونداي-اق رەسەي مەن سەربيادان كەلگەن ەكى اسكەري قىزمەتكەر بار», دەلىنگەن حابارلامادا.
ۇيىم قارۋلى توپتار اراسىنداعى قيان-كەسكى قاقتىعىستار سالدارىنان ەلدەگى جاعدايدىڭ ناشارلاۋى جالعاسىپ جاتقانىن, بۇل بەيبىت تۇرعىندار سانىنىڭ ارتۋىنا جانە ادامداردىڭ جاپپاي قونىس اۋدارۋىنا اكەلىپ سوقتىرعانىن ايتتى.
باسىلىمنىڭ مالىمەتىنشە, جاڭا قاقتىعىستار 6 مىڭعا جۋىق بەيبىت تۇرعىندى كونگو دەموكراتيالىق رەسپۋبليكاسىنان كورشىلەس ۋگانداعا قاشۋعا ماجبۇرلەگەن. ۋگانداداعى قىزىل كرەست وكىلى يرەن ناكاشيتا بوسقىنداردىڭ بۋناگانەدەگى ترانزيتتىك لاگەردە ەكەنىن جانە ودان دا كوپ ادام كەلەدى دەپ كۇتىلگەنىن ايتتى. ۋگاندادا قازىردىڭ وزىندە وڭتۇستىك سۋدان مەن كونگو در-دان 1,5 ميلليونعا جۋىق بوسقىن بار ەكەنى كورسەتىلگەن.