جاڭا تۋىندىنىڭ تۇساۋى كەسىلدى

زيالى قاۋىم وكىلدەرى, ادەبيەتسۇيەر قاۋىم, ستۋدەنت جاستار قاتىسقان  ادەبي كەش اياسىندا Amanat پارتياسى تۇركىستان وبلىستىق فيليالىنىڭ اتقارۋشى حاتشىسى ب.تاجىباەۆ, وبلىستىق قوعامدىق دامۋ باسقارماسى باسشىسىنىڭ ورىنباسارى ب.احىمبەتوۆ, وبلىستىق مادەنيەت باسقارماسى باسشىسىنىڭ ورىنباسارى ا.تەمىرحان, جازۋشى-عالىم ق.ەرگوبەك, ت.بەيسەن, ب.سەردالى, د.قۋات, ءا.شەگەباي, ا.سەي­دازىم, ب.شويبەكوۆ, م.داۋلەتوۆ سىندى قالامگەرلەر مەن اقىندار جۇرەك­جاردى سوزدەرىن ارناپ, سىي-سىياپاتتارىن كورسەتتى. جازۋشىنىڭ شىعارمالارىن ستۋدەنتتەر مانەرلەپ وقىپ, ونەرپازدار اننەن شاشۋ شاشتى. كەش سوڭىندا جاڭا تۋىندى ادەبيەتسۇيەر قاۋىمعا ۇلەستىرىلىپ بەرىلدى.

وقىرمانعا جول تارتقان تۋىندىنىڭ تۇساۋكەسەر ءراسىمى شىمكەنت قالاسىنداعى ءال-فارابي اتىنداعى عىلىمي-امبەباپ كىتاپحانادا دا وتكىزىلدى. وعان «الاش» ادەبي سىيلىعىنىڭ لاۋرەاتى, اقىن نارماحان بەگالى ۇلى, اقىن الىبەك شەگەباي, «قازاق ادەبيەتى» گازەتىنىڭ باس رەداكتورى داۋرەن قۋات جانە وزگە دە زيا­لى قاۋىم وكىلدەرى قاتىستى. «ساكەننىڭ «عالامتورداعى ماحاببات» اتتى كىتابىن الدىن الا الدىرىپ, ءار سوزىنە نازار اۋدارىپ وقىدىم. بۇل كىتاپ قازاق ۇلتىنا قىزمەت ەتەتىن كىتاپ دەپ ويلادىم. اسىرا ايتىلعان ەشتەڭەسى جوق. قوعامعا سىن ايتىلسا, دەمەك ول – قازاقتى جوندەۋدىڭ, قازاققا تۋرا جولدى نۇسقاپ, كەمشىلىگىن تۇزەۋدىڭ ارەكەتى. ساكەندە حالىق اۋىز ادەبيەتىنىڭ شۇرايلى ءتىلى بار. جازۋىندا جۋرناليستىك, پۋبليتسيستىك سارىن دا بايقالادى. بىراق بۇل ونىڭ كەمشىلىگى ەمەس, كەرىسىنشە, ونى تولىقتىرىپ, كوركەمدىگىن جەتىلدىرىپ تۇر», دەدى نارماحان بەگالى ۇلى. سونداي-اق ول كىتاپ اۆتورىنا كەيبىر ءسوز تىركەستەرىنىڭ قولدانىلۋىنا بايلانىستى ەسكەرتۋى مەن اعالىق اقىل-كەڭەسىن دە ايتىپ ءوتتى. وزگە دە قالامگەرلەر ساكەن سىبانبايدىڭ جۋرناليستىك قىزمەتى مەن جازۋشىلىق قارىم-قابىلەتى, شىعارماشىلىق ىزدەنىسى جايلى جىلى لەبىزدەرىن ءبىلدىردى. جازۋشىنىڭ «عالامتورداعى ماحاببات» اتتى كىتابىنا «مۇڭلىق», «باقىتتى ادام», ء«ۇمىت ءۇيى», «ديسكريميناتسيا», «سەن قانداي ءتاتتى ەدىڭ, ءومىر!» جانە ء«بىر شاۋگىم شاي» سىندى كوركەمدىك دەڭگەيى جوعارى, تاعلىمدى تۋىندىلارى ەنگەن.

تۇركىستان – شىمكەنت