مەملەكەت باسشىسى قاسىم-جومارت توقاەۆتىڭ جولداۋىندا ەلدىڭ ساياسي جۇيەسىن جاڭعىرتۋ ماسەلەسى ورنىقتى باياندالىپ, «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىن بەرىك ۇستانۋ ارقىلى مەملەكەتتى دەموكراتيالاندىرۋ ۇدەرىسىندەگى پرەزيدەنتتىڭ وكىلەتتىلىگىن قىسقارتا وتىرىپ, پارلامەنتتىڭ تومەنگى پالاتاسىنىڭ قۇزىرەتىن جوعارىلاتۋ ەلدىڭ تۇراقتى جان-جاقتى دامۋىنا اكەلىپ, ىشكى ساياسي تۇراقتىلىقتى ساقتايتىنى ءسوزسىز.
سونىمەن قاتار مەملەكەت باسشىسى بىرقاتار وزگەرىس تۋرالى ايتتى. بۇل كەزەڭ تاريح بەتتەرىنە جازىلىپ, ەل دامىتۋدىڭ جاڭا باعىتىنىڭ – جاڭا قازاقستاننىڭ باستاۋى بولادى.
پرەزيدەنت حالىقتىڭ پىكىرىنە قۇلاق اسىپ شەشىم قابىلداعانىن جەتكىزدى. سونىڭ ىشىندە جاڭادان وبلىستار قۇرىلۋىنىڭ, ولارعا اباي, ۇلىتاۋ, جەتىسۋ سياقتى اتاۋ بەرىلۋىنىڭ استارىندا زور ماعىنا بار. ەرەكشە ءبىر ايتا كەتەتىنى, قاپشاعايدىڭ اتاۋىن اسا كورنەكتى مەملەكەت جانە قوعام قايراتكەرى دىنمۇحامەد قوناەۆتىڭ اتىنا بەرۋدى ۇسىندى.
حالىقتىڭ پىكىرىنە قۇلاق اساتىن بيلىكتىڭ ءاردايىم مارتەبەسى جوعارى بولادى دەپ ويلايمىز. بارلىعى بىردەن بولۋى مۇمكىن ەمەس, سول ءۇشىن اتقارىلاتىن جۇمىستى, العا قويىلعان اۋقىمدى مىندەتتەردى قوعام بولىپ, ەل بولىپ بىرگە ەڭسەرەيىك, جاڭا قازاقستاندى بىرگە قۇرايىق!
رۋسلان حامزا,
مەملەكەتتىك رامىزدەردى ناسيحاتتاۋ جونىندەگى ۇلتتىق ورتالىقتىڭ اتقارۋشى ديرەكتورى
اتىراۋ